Brett got me worried. Hindi nawala sa isip ko ang sinabi niya. Na bakit laging kailangan niyang unahin ang kasiyahan ng ibang tao kaysa sa kanya. Na bakit lagi niyang kailangan magparaya. Hindi ako puwedeng magkamali. May pinagdaraanan siya.
Mataas ang tingin ko kay Brett gayong madalas ay binabara ko siya. Bukod sa katotohanang matanda rin siya sa akin nang ilang taon at isang kagalang-galang na negosyante na kilala ring photographer, he was one hell of a strong person. The last time I witnessed him broke down in tears and showed me his most vulnerable state was when he found me under the rain years ago. Umiyak siya para sa lahat ng sakit na pinagdaraanan ko noon. Kaya ang makita siya sa nakakahabag na estado kagabi ay nakakagulat. Pilyo at palatawa siya. Sanay akong ganoon siya dahil iy
