JAKE’S POV
MATULING LUMIPAS ANG ARAW. Tuluyan ng gumaling si Erina at nakalabas na rin ito ng hospital. Nasa pagitan ako ng saya at lungkot nang sunduin na ito ng kanyang Mommy at Daddy. Masaya ako dahil she is a survivior of the deadly virus at malungkot dahil hindi ko na siya makakasama at makikita sa loob ng hospital. Ang totoo kasi niyan, si Erina ang naging kalakasan ko sa trabaho. Sa tuwing makikita ko ang maganda nitong mukha na sinabayan pa ng nakakaakit na ngiti at buo na ang araw ko.
Buong puso akong tinanggap ng mga magulang ni Erina na labis ko namang ikinatuwa. Nanatili pa rin kaming magkakaibigan nina Kyle at Myra na ngayon ay magkasintahan na rin at masayang- masaya kami ni Erina para sa dalawa. Oo, hindi maikakailang nagustuhan nga ni Kyle si Erina noon ngunit lihim itong
