Angelo Cervantes
Kasalukuyan akong naghihintay rito sa waiting area ng pinapasukang school ng tatlo. Nakiusap kasi si Tanya sa'kin na ako na muna raw ang susundo sa mga anak namin. May importante raw siyang aasikasuhin.
Napaayos ako ng tayo nang mag-ring ang bell, hudyat na natapos na ang klase. Nakita kong nag-unahan sa paglabas ang mga bata sa kani-kanilang classroom.
Nasa'n ba ang teacher ng mga batang ito? Paano kung may madapa o may mangyaring masama sa mga batang 'to? Tungkulin rin ng mga guro bilang pangalawang magulang ang pagdi-disiplina sa mga bata.
Kapag nakita ko kahit isa man lang sa mga anak ko ang nakikipag-unahan at madapa o anuman dahil sa kapabayaan ng kung sinong responsable sa kanila. Hindi ako magdadalawang isip na magsampa ng kaso.
"Daddy!" Napangiti ako nang mak
