Dumalaw nga kaagad kami kay Tito Vince ilang araw matapos siyang ipakulong ni Silas. Sinabi kasi sa akin ni Silas na gusto niya munang kausapin si Tita Sylvia na kanyang ina bago namin puntahan si Tito Vince.
“Alam mo bakit ko piniling ipakulong si Dad? Hindi lang dahil kay Hyacinth.” Naghihintay na kami kay Tito Vince ngayon.
Tumingin lang ako kay Silas. Tiningnan niya rin ako at ngumisi.
“Sabi mo noong gabing nagyaya ako dahil nalaman ko na si Dad ang nagpapatay sa pamilya ni Hyacinth. Iniisip mo na si Atlas ang nagpapatay but I was doubtful kung sino bang paniniwalaan ko. Gulung-gulo ako noon, hindi ba? Sabi mo pa, susuportahan ninyo ako kung ano mang gagawin ko. Kaya ngayong tuluyan akong iniwan ni Hyacinth, kahit iniisip ko na maaaring si Atlas ang tunay na pumatay, nagawa kong ip
