Muntik nang mabitiwan ni Carli ang cell phone niya dahil parang may sumaksak sa puso niya habang nakatingin sa magkalapat na mga labi ng mga ito. Nang makita niyang umangat ang mga kamay ni Cade patungo sa baywang at likod ng babae na tila napakanatural lamang niyon ay para nitong pinihit pa pabaon ang sumaksak sa kanya.
Nais niyang mag-iwas ng tingin. Pero namanhid ang buong katawan niya at hindi siya makagalaw. Nang maghiwalay ang mga labi ng mga ito ay nakita niya ang ngiti sa mga labi ni Cade habang nakatitig sa babae. That same smile he used to give her when they first met. May kumislap mula sa kamay ng babae kaya napunta roon ang tingin niya. Parang gumiwang ang kinatatayuan niya at nanlabo ang paningin niya sa biglang pagtakas ng dugo sa ulo niya. It was a diamond ring.
The real
