PUMIKIT nang mariin si Cade nang maramdaman ang biglang paghapdi ng mga mata niya.
“Damn!” Pilit niyang kinalma ang sarili. Mayamaya ay tumunog ang cell phone niya. Napadilat siya. Isa lang ang kilala niyang tumatawag sa kanya nang madaling-araw. Huminga siya nang malalim at kinuha ang cell phone niya na nakapatong sa mesa. Nakumpirma niya ang hinala nang mabasa ang pangalan ni Ross sa screen.
Napailing siya bago iyon sinagot.
“Cade! I’m going back to the Philippines!” masiglang sabi nito.
Tumaas ang mga kilay niya. “When?”
Nakabase ito sa Amerika at paminsan-minsan lang pumapasyal sa Pilipinas para magbakasyon.
“I’m about to board the plane na actually. Tatawagan ko rin si Jay. Let’s get together. At may ibabalita ako sa inyong nakakatuwa.”
“Ano?”
Tumawa ito. “You’ll see. Anywa
