Napatitig ang ina ni Djora sa kanya pagkatapos nitong masilip na alahas, damit, sapatos at perfume ang pasalubong niya para rito at relo naman ang para sa kanyang stepfather. Kasalukuyan silang nasa restaurant na pagmamay-ari nito. Ito rin ang chef doon paminsan-minsan kapag off o nasa bakasyon ang main chef. Tulad na lang ngayon. Nakaharap siya rito sa may island table ng kusina at nakaupo sa isang stool. Hindi pa masyadong abala dahil hindi pa nagbubukas. Sila lang ang naroroon para bigyan ng privacy ng mga empleyado nitong nandoon sa labas at nag-aayos bago magbubukas mayamayang mga alas onse.
“Why are you alone?” bungad na tanong nito sa kanya.
“Ha?” patay-malisyang aniya.
Umismid ang ina niya. “Kasama mo ang boyfriend mo sa dinner n’yo ng dad mo tapos hindi ko siya nakikita ngayon
