Nakangiti si Djora nang magising kinabukasan. Naalala niya ang lahat ng sinabi niya sa binata kagabi bago umeksena si Tavi. Pero namilog ang mga mata niya nang may yumapos sa kanyang baywang. Biglang nanigas ang katawan niya.
Hindi ba’t umuwi si Cavell? Imposibleng ito ang katabi niya ngayon sa kama!
Marahan siyang napalingon sa katabi niyang pigil ang hininga. Napatili siya at saka natutop ang sariling bibig.
“Punyeta! Pinakaba mo ako, Tavi!” sigaw niya nang mapagtantong ang kaibigan lang pala niya ang nasa tabi niya sa kama. Ang akala pa naman niya…
Ayaw na niyang isipin. Napabalikwas na lang siya ng kinahihigaan habang antok na antok pa ang kaibigang umuungol. Isinubsob nito ang mukha sa unan.
“Nasanay lang akong katabi ka dahil sa Southeast Asia Express,” anito sa kanya bago hini
