Tapik ni Guzman ang gumising sa akin. Nagulat pa ako sa kanya dahil nakaupo siya sa kama ko habang hinihintay akong magising. Sinalubong niya ako ng ngiti. Napaka-cute niya talaga.
"Bakit, Bunso?" tanong ko sa kanya habang papungay-pungay pa ang mga mata ko. Hinalikan niya ako sa pisngi ko.
"Hinihintay ka po kasi niya..." sabi niya sabay napaturo sa labas ng pinto ng kwarto ko. Nagtaka ako. May nakikita ba siya na hindi ko nakikita?
"Ha? Sino? Tinatakot mo naman ako, Bunso." Natawa pa siya saakin.
"Hindi po, hinihintay ka po niya sa labas ng kwarto mo," aniya pa.
"Sino nga?" naguguluhan kong tanong. Tumayo na ako dahil sa pangungulit niya.
"Halika po, bumangon ka na diyan para makita mo siya," hinila niya ako kaya sumunod nalang ako sa kanya.
Paglabas namin sa labas ng kwarto ko ay
