وتين?

الفصل السابع العشر

الفصل 17

الباب خبط ودخل عمر

عمر .. لا كدا اغير بقا عاملين تحضنوا فيها طيب ايه انا مليش من الحب دا جانب ولا ايه .

وتين ا**فت من كلاموا

مامت لمار .. لا طبعا ليك مش كفايه انك عرف*نى على اجمل بنت فى الدنيا ديه كلها .

وتين .. ربنا يخليكى يا ماما .

عمر .. لا كدا كتير بجد ايه هو احنا مش هناكل ولا ايه .

مامت لمار .. هقوم انا ووتين نحضر الاكل اهو .

عمر .. طيب يلا بسرعه علشان هموت من الجوع .

وتين .. طيب يلا يا ماما .

مامت لمار .. يلا يا حبيبتى .

راحت وتين ومامت لمار وجهزوا الاكل والكل اقعد ياكل وعاشوا فى جوا الكل كان محتاجوا وفى اخر اليوم عمر ووتين ودعوهم وروحوا على بيتهم .

دخلت وتين المنزل وجلست علي الكرسي بارهاق .

عمر .. اليوم كان طويل واكيد تعبتي .

وتين .. لا خالص بالع** اتبسط جدا بالقاعدة معاهم اول مره احسس بدفاء الاسره دا .

عمر .. ممكن اسالك سؤال .

وتين .. اتفضل أسأل .

عمر .. هو انتي من ساعة لما اتولدتي لقيتي باباكي كدا يعني عمروا ما عملك بحنيه .

وتين بحزن و**ره .. لا بابا كدا من زمان ممكن لما كبرت القسوه كبرت والمعاناه كبرت معايا كنت زمان فاكره اني لما هكبر هرتاح من التعب دا وهرتاح بس .. واكملت ببكاء .. لكن لقيت همومي بتكبر معايا هتصدق يا عمر لو قولتلك اني عمري ما نمت بأمان .. كنت بخاف طول ما انا نايمه لاحسن يجيب حد من صحابه او يض*ب امي .. اي بنت في سني بتنام وهي مطمنه ان مفيش حاجه هتحصلها مجرد انها عارفه ان باباها نايم في الاوضه اللي جمبها لكن انا كنت بخاف اكتر لما اعرف انه في البيت .. انا مش عارفه عملتلوا ايه علشان يكرهني كدا ليه الكل مبيحبنيش .. هو انا متحبش .

اخذها عمر في حضنه واخذ يلمس شعرها بحنان .. هششش متقوليش كدا .. بالع** انتي تدخلي قلب اي حد بسرعه اوي .

وتين نظرت له بحزن .. بس معرفتش ادخل قلبك .

توقف عمر عند هذه الكلمه وشعر بخنجر كان يود ان يقول لها انها محتله تفكيره وقلبه مشغول بها ولكن هو يرفض هذا الاحساس .

شعرت وتين بالذي تفوهت به فابتعدت عن حضنه .. انا داخله انام تصبح علي خير .

ولم تنتظر ردة بل تحركت ودخلت غرفتها واغلقت الباب وجلست تبكي وتكتم شهقاتها لكي لا يسمعها .

اما عمر فاظل يفكر هل هو يحبها ام لا .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عند نور ومروان ♡

مروان اتصل بنور وقالها انوا هيعدى عليها كمان ساعه وانها تلبس عقبال ما يجي .

واول ما وصل اتصل بيها علشان تنزل .

نور .. ازيك يا ميرو .

مروان .. يا بنتى انتى مش هتبطلى الاسم دا بقا بحس انه مايع كدا .

نور .. لا مش هبطل انا بحب ادلعك بميرو عندك مانع انت .

مروان باستسلام .. لا يا باشا انا اقدر اقول حاجه .

نور .. بحسب .

مروان .. طيب يلا علشان هنخرج .

نور .. هنروح فين بقا .

مروان .. مكان هيعجبك اووى .

نور .. اشطا يا معلم تعجبنى وانت بتخرجنى كدا .

مروان .. لا انا بدأت اشك فيكى معلم فى ايه يا بنتى انتى بتقلبي جعفر بليل ولا ايه ما انا اكيد مش مجوز واحد صاحبي .

نور ض*بتوا فى كتفوا .. اتحرك يلا وانجز بدل ما تعصبنى و أجل الفرح وعليا وعلي اعدائي بقا علشان تبقا تتلم قال صاحبك قال .

مروان .. لا وعلى ايه بلاش ونبي تأجلى الفرح دا انا لما صدقت انك وافقتي .

نور .. ايوة كدا يلا اتحرك بقا .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

مروان اتحرك بيها وراح فى مكان مليان ورد وشجر وزرع وقداموا البحر المكان كله كان جميل والهواء فيه كان خرافه كان هادي جدا وخالي من الناس .

مروان .. يلا انزلى وصلنا .

نور بفرحه .. الله ايه المكان التحفه دا يا مروان .

مروان .. المكان دا هيبقا بتاعى انا وانتى بس ومحدش يعرف المكان دا اصلا غيرنا .

نور .. الله يلا عايزة انزل المايه .

مروان .. طيب يلا وقلع مروان التشيرت اللي كان لبسه ولسه كان هيقلع البنطلون .

نور حطت ايديها على عنيها وصرخت .. بتعمل ايه يا سافل يا قليل الادب .

مروان باستغراب .. ايه كل الشتايم ديه اهدي في ايه .

نور .. ما انت إللى قليل الادب وبتقلع هدومك .

مروان .. يعنى هنزل بالتيشيرت هو انتى عمرك ما شوفتى رجاله نزله البحر .

نور .. لا طبعا شوفت بس اول مرة اشوفك انت يعني بالمنظر دا .

مروان .. يلا يا نور ربنا يهد*كى يلا ننزل .

نور .. ماشي يلا .

مروان بخبث .. طيب هتنزلى بهدومك .

نور شهقت .. يا قليل الادب انت عايزانى اقلع .. يا متحرش يا سافل .

مروان .. يا بت اتلمى فى ايه انا قصدى هتنزلى البحر بهدومك .

نور .. اة وملكش دعوه انت ويلا ننزل هي هدومي وانا حره فيها .

مروان قرب من نور وشلها ونزل بيها البحر .

نور بخضه .. انت بتعمل ايه يا مجنون نزلنى .

مروان .. لا يا اميرتى ما ينفعش تنزلى البحر غير وانتى على دراعى .

وحملها مروان ونزل بها إللى المياه وتعلقت نور فى رقبتوا

مروان .. بحبك يا نور ومستعد استحمل اى حاجه علشانك لانك تهمينى تعرفى انك كل حاجه بالنسبالى انتى عشقى وجنونى ممكن تكونى ع**دة ومجنونه بس انا اجن منك .

كان مروان يتحدث وهو يحملها بين يديه القويه التى كانت كالماؤى والحمايه لها من المياه وعيناه تأبي ترك عيناها لتخبرها بمدي عشقوا لها .

كانت نور كالمغيبه كل ما ترأه عيناه فقط فاقسمت انها فى بحر من العسل وكل ما يجذبها عيناه التى تسحرها وكلامه الذي سلب عقلها .

مروان .. بعشقك يا نور انتى اسرتى قلبي بعشقك وعارف انك بتحبينى بس عندك لسه بيكابر .

اقترب مروان منها وطبع قبله على خدها المتورد من كلاموا

مروان بهمس .. بتحبينى .

نور بدون وعي .. بعشق امك .

مروان ضحك على منظر نور وكلامها .. فصلتينى الله يخربيتك .

نور ض*بتوا فى كتفوا .. طيب يلا يا بارد علشان هنتاخر .

مروان .. ماشي يلا .

وخرج مروان ونور من البحر ومروان لبس التشيرت بتاعوا ولبس نور الجاكيت بتاعوا علشان متبردش

وصلها لحد البيت ونور طلعت وهى مبسوطه جدا من انها اتأكدت من حب مروان ليها وانه مش ممكن في يوم يسبها او ي**نها .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

في اليوم التالي استيقظ عمر من النوم وجد المنزل هادئ مما جعله يندهش ذهب الي المطبخ لم يجدها في المطبخ ذهب الي غرفتها وطرق الباب ولكن لم تجيب مما جعله يقلق وفتح باب الغرفه ببطء فاوجدها نامه .

عمر اقترب منها وحاول ان يقيظها ولكن دون جدوي .

عمر .. وتين قومى يلا الوقت التأخر كل دا نوم .

وتين مكانتش بترد وكانت بتكلم بس كلام مش مفهوم بمعني اصح كانت بتهلوس .

عمر قرب وحط ايدوا على رأس وتين ولقها سخنه جدا .

عمر بقلق .. وتين حبيبتى فوقى .

وتين كانت سمعه صوت عمر بس كانت فاكرة انوا حلم

عمر شال وتين بسرعه ودخل بيها الحمام وحطها فى البانيو وشغل عليها المايه

وتين بدات تفوق شويه بشويه بس رجعت تانى فقدت وعيها

عمر خد وتين وخرج بيها من الحمام وحطها على السرير واخذ يفكر كيف سايخلعها ملابسها تمالك نفسه وحاول ان يفكر نفسه بانها زوجته فاعادي اتي ببعض الملابس وخلعها ثيابها والبسها ملابسها .

واتصل على مامته ليسالها ماذا يفعل بعد كدا .

والدة عمر .. ازيك يا حبيبي وحشتنى .

عمر .. الحمد لله يا ماما كنت عايز منك خدمه .

والدة عمر .. قول يا حبيبي خير .

عمر بقلق .. وتين سخنه اوى وحطتها تحت المايه بس درجه حرارتها مش بتقل .

والدة عمر .. طيب بص يا حبيبي اعملها كمادات مايه ساقعه واتصل بالدكتور لو درجة الحراره مقلتش .

عمر .. ماشي يا امي .

والدة عمر .. اجيلك يا بني اقعد بيها .

عمر .. لا يا امي انا هتصرف .

والدة عمر .. ماشي يا حبيبي بس ابقا طمنى عليها .

عمر .. حاضر .

وقفل عمر مع امه واتصل بمروان .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر .. الو يا مروان .

مروان .. ايه يا عمر انت مجتش ليه انهاردة الشركه .

عمر .. مش هعرف اجى يا مروان .

مروان .. فى ايه يا عمر صوتك شكلوا فى حاجه .

عمر .. ممكن تجيب دكتور بسرعه وتيجى .

مروان .. دكتور لمين انت تعبان .

عمر .. لا يا مروان مش انا إللى تعبان وتين إللى سخنه وياريت بس بسرعه متتاخرش .

مروان .. حاضر نص ساعه وهكون عندك سلام .

عمر .. سلام .

قفل عمر مع مروان ودخل المطبخ حط مايه ساقعه فى طبق وشوية تلج وجاب قماشه ورجع تاني الاوضه .

واقعد جمب وتين يعملها كمادات مايه ساقعه وهو بينظر لها بحزن .

عمر .. قومى بقا يا وتين مش متعود عليكى نايمه كل دا مش متعود عليكى ساكته كدا قومى حتى لو هنزعق حتي لو مش هتكلميني بس مجرد ان روحك في البيت بطمني .

قطع حديثوا صوت الباب إللى خبط عمر راح فتح لقا مروان والدكتور

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

بص عليهم وافتكر ان وتين لابسه لبس البيت .

عمر .. معلش بس ثوانى .

ودخل عمر الاوضه لبس لوتين عبايه كانت عندها ونزل طلع الدكتور وقف معاه .

عمر .. هاا يا دكتور وتين عامله ايه .

الدكتور .. مدام وتين شكلها خدت برد جامد وانا هكتبلها على شويه ادويه تاخدها وهتبقا تمام وانا شايف ان درجه حرارتها نزلت كتير عن الاول الحمد لله وممكن تفوق كمان شويه .

عمر .. تمام يا دكتور .

مروان .. خليك انت يا عمر جمب وتين وانا هنزل اوصل الدكتور واجيب العلاج واجى .

عمر .. شكرا يا مروان .

مروان .. على ايه يا صحابي دا واجب الصحوبيه .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

ونزل مروان خد الدكتور وراح جاب العلاج ورجع لعمر تانى .

عمر .. مش عارف اشكرك ازاى يا مروان .

مروان بمرح .. خلاص يا عم محصلش حاجه .

عمر .. لا بجد شوف انت عايز ايه وانا اعملهولك .

مروان .. طالما انت متمسك اووى تبقا تنزل تتبهدل معايا في شراء البدله بتاعتي وحجز القاعه .

عمر .. تصدق انك معندكش دم يعنى مراتى تعبانه جوا وانت تقولي فرح وبدله .

مروان .. اعملك ايه مش انت إللى قولتلى اطلب .

عمر .. وياريتك ما طلبت .

مروان .. يلا بقا يا عمر حدد المعاد ونبي يا عمر انا عايز اتجوز عايز اتجوز يا ناس عايز اتجوز يا خلق .

عمر .. خلاص اسكت ايه رايك الاسبوع اللي جاي ننزل .

مروان ..لا كتير يا عمر .

عمر .. هو ايه إللى كتير .

مروان .. المعاد بعيد اووى هو آخر الاسبوع .

عمر .. لا دا بدرى اووى .

مروان .. ونبي يا عمر وحياة وتين عندك وافق بقا يلا وافق وافق عايز احس اني عريس .

عمر .. خلاص يا مروان بطل زن ماشي موافق يا عم امشي بقا وبطل برود .

مروان باس عمر من خدوا ..حبيبي يا عمر .

عمر زقوا بعيد عنوا ..ابعد يا مق*ف وبطل بوس بدل ما اجل كل حاجه واقولك مش نازل .

مروان .. لا يا عم خلاص انا ماشي .

عمر .. يكون احسن .

مروان .. مقبولة منك يا عم .

وخرج مروان وعمر طلع عند وتين إللى كانت بدأت تفوق شويه وكانت بتنادى على عمر .

عمر .. وتين انتى فوقتى .

وتين .. عمر انا تعبانه اووى .

عمر .. معلش يا وتين هتاخدى الدواء دا وهتبقي كويسه .

وتين هزت راسها و عمر أدالها الدواء ونامت وتين تانى خرج عمر من الغرفه وذهب الي المطبخ وبدأ يجهز شربه خضار وسلق فرخه .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

بعد من ان انتهي طهي الاكل ذهب به الي غرفتها وايقظها .

عمر .. وتين قومي كلي بس وبعدين نامي تاني .

وتين .. مش قادرة يا عمر انا حاسه اني دايخه .

عمر .. علشان كدا بقولك قومي كلي وبعدين نامي تاني .

رفع عمر رأسها وحط وراها مخده وقرب منها الصنيه واقعد قدامها مسك المعلقه وبدأ هو يأكلها بنفسه .

وتين .. خلاص كفايه مش قادره .

عمر .. علشان خاطري معلقتين كمان .

وتين .. مش قادره يا عمر .

عمر .. يعني كدا بتقوليلي اني مليش خاطر عندك لا كدا ازعا واجيب ناس تزعل .

ابتسمت وتين بتعب .. خلاص هما معلقتين كمان بس .

عمر .. تمام .

اطعمها عمر ومن ثم ادخل الصنيه ورجع لقها نامت تاني اقعد عمر جانبها ليشعرها بالأمان ولكن نام عمر بجانبها دون ان يشعر استيقظ عمر علي لامستها الخفيفه علي شعره .

عمر .. انتي صحيتي امتي .

وتين .. من نص ساعه كدا تقريبا .

عمر .. طيب ليه مصحتنيش .

وتين .. كان شكلك حلو وانت نايم فامحبتش اقلقك .

ابتسم عمر .. اعتبر ديه مع**ه .

وتين .. امم ممكن .

عمر .. بقيتي احسن .

وتين .. اه جدا حاولت تقوم ولكن كان هتقع وعمر لحقها وحاوطها بايده من عند خصرها .

عمر .. انتي لسه تعبانه لازم ترتاحي شويه .

وتين .. عمر .. شكرا بجد علي كل حاجه انت عملتها معايا .

عمر .. وتين انتي مراتي ودا واجبي .

ابتسمت وتين بسخريه .. مش مضطر يا عمر انك تمثل كلنا عارفين الحقيقه .

عمر .. انا اسف انا اللي ضايقتك امبارح .

وتين .. لا خالص الغلط غلطي انا انا اللي اسفه .

عمر .. طيب ممكن ترتاحي واحنا هنبقا نكلم بكرا .

وتين .. تمام .

خرج عمر من الغرفه وتركها بمفردها اما وتين فاخذت تبكي حتي غفت مره اخري .

اما هو فاخذ ينظر الي صوره هو ولمار بحزن .. ليه الكل مش قادر يقدر اني مش عارف ولا هقدر اني انساكي .. ليه الكل بيعاتب عليا علشان لسه بحبك .. ما هما لو حبوكي زي كانوا عرفوا معني اننا منعرفش نتخطي موت حد بنحبه وغالي علينا .. وحشتيني يا لمار وحشتيني اووي . .

انتهي البارت ♡ ♡ ♡

ياتري ايه اللي هيحصل عمر ووتين هيقربوا من بعض اكتر ولا هيفضل في حاجز بينهم كبير مش هيعرفوا يعدوه او يتجاوزوه .. يا تري عمر ممكن يدي لنفسه فرصه انه يكمل حياته تاني من غير لمار وانه يحب من جديد ولا هيفضل قافل علي نفسه بمية ترباص .. هنعرف كل دا في البارتات اللي جايه بس اتمني التفاعل يزيد واسمع أراكم وتوقعاتكم عن البارت ..

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

رواية / وتين ♡

للكاتبه / اسراء محمود ♡