وتين?

الفصل السادس عشر

الفصل 16

لو ركزت علي اللي ضاع منك عمرك ما هتشوف الي بيستناك شوف رزقك الدنيا واسعه ?

عمر .. انا مش السبب فى موت حد يا نور افهمى بقا .

وتين دموعها نزلت على خدها .. بعد اذنكم انا داخله جوا ودخلت.

نور اقعدت على الكنبه تانى وعيطت .. انا تعبت الكل قادر يعيش من غير لمار إلا انا انا مش قادرة اعيش من غيرها كلكم نسيتوا إلا انا مش عارفه انسي ولا هقدر انسي .

مروان قرب من نور وخادها فى حضنوا .. ممكن تهدى علشان خاطرى انا .

عمر .. انا اسف يا نور انى اتعصبت عليكى بس انتى إللى قولتى كلام انا متوقعتش انك تقوليه .

نور .. انا اسفه يا عمر انا مش عارفة انا قولت كدا ازاى .

عمر .. خلاص متعتذريش يا نور هدخل اشوف وتين دخلت وهى معيطه .

نور .. لا خليك انت انا هدخلها .

عمر .. ماشي بس اوعى تزعليها يا نور .

نور .. متخافش يا عمر .

نور خبطت ودخلت

نور .. ممكن اكلم معاكى .

وتين مسحت دموعها .. اكيد ممكن .

نور ابتسمت على برائتها .. انا اسفه على إللى قولتوا برا بس لمار ديه مش صاحبتى ديه اختى وطبعا مقدرتش اتقبل ان تكون في واحده تانيه مكانها ومعرفش قولت كدا ازاي لان دا مش من عادتي بس بجد اعذريني .

وتين .. وانا مقدرة انا إللى اسفه انى دخلت حياتكم .

نور .. لا متعتذريش انا الوحيدة إللى عارفة عمر عاش ازاى بتأنيب الضمير علشان كدا خليكى جمبوا وانسي كل إللى قولتوا برا دا واهو يا ستى نفتح صفحه جديدة ونكون اصحاب ايه رايك انا معنديش صحاب من بعد ما لمار ماتت .

وتين .. موافقه طبعا .

نور .. طيب يلا نخرج ليهم برا نشوفهم بيعملوا ايه .

وتين .. يلا .

وخرجت وتين ونور واقعدوا يهزروا شويه وبعدين نور نزلت هى ومروان .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

وتين .. نور طيبه اووى .

عمر .. اة بس هى غ*يه شويه ومتسرعه .

وتين .. اة ما انا خدت بالى بس دا يدل علي طيبه قلبها .

عمر .. طيب انا هنزل شويه .

وتين .. ماشي .

عمر .. عايز حاجه من تحت اجبهالك وانا جاي .

وتين ابتسمت ..عايزه سلامتك .

ابتسم عمر علي طيبة قلبها .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر نزل وراح عند مامت لمار

عمر .. ازيك يا امى .

مامت لمار .. كدا يا واد مش بتيجى تشوفنى .

عمر باس ايديها .. انا اسف يا ست الكل .

مامت لمار .. طيب ادخل يا حبيبي عمك جوا فى الصالون .

عمر .. ازيك يا مجودى .

أمجد ضحك .. انت مش هتبطل هزارك دا .

عمر .. لا اومال مين يهزر .

مامت لمار .. اقوم انا احضرلكم اكل .

عمر .. لا استنى يا امى انا عايزكم فى موضوع .

مامت لمار .. ايه يا بنى قول .

عمر اتوتر .. انا .. انا

أمجد .. قول يا عمر على طول من غير ما تتوتر .

عمر .. انا اجوزت امبارح .

امجد ابتسم بحزن .. مب**ك يا بنى .

عمر .. والله يا عمى انا منستش لمار .

أمجد .. انا عارف يا بنى لمار محدش يقدر ينسها وبجد فرحتلك انت لازم تجوز وتعيش حياتك يا بنى .

مامت لمار .. ايوة يا عمر وياريت تعرفنا عليها يا حبيبي .

عمر .. خلاص هجبها معايا بكرا .

مامت لمار .. خلاص يا بنى هنستنها .

عمر .. ممكن ادخل اوضه لمار شويه .

نظروا له وابتسموا .. طبعا اتفضل يا حبيبي .

دخل عمر غرفة لمار وبدأت دموعه تنزل واحده تلو الاخره نظر الي صورتها والي سريرها المرتب منذ آخر مره الي درفة دولابها المليئه بملابسها ورائحتها الي صورتهم الموضوعه علي المكتب ثم الي صور طفولتها ادمعت عينيه وهو يتمني بأن كان يعرفها منذ الصغر ليقضي معاها وقت اكثر خرج عمر من الغرفه

عمر اقعد معاهم شويه وروح البيت فى الوقت دا كانت وتين دخلت تاخد دش

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر وصل البيت واقعد ينادى على وتين ملقاش رد دخل اوضتها سمع صوت الميه عرف انها بتاخد دش عمر اقعد على السرير يستنى وتين

وتين خلصت دش

وتين .. اووف نسيت الهدوم برا هطلع عادى هو اصلا عمر مش برا ولفت جسمها بالفوطه وطلعت .

عمر سمع صوت فتح الباب وجه نظروا للباب واتصدم لما شاف وتين وهى خارجه كدا كان شكلها مغرى جدا وتين اتصدمت لما شافت عمر فى الاوضه ورجعت لورا لحد ما بقا وراها الحيطه .

عمر قرب منها وحاصرها و.............

عمر وصل البيت واقعد ينادى على وتين ملقاش رد دخل اوضتها سمع صوت الميه عرف انها بتاخد دش عمر اقعد على السرير يستنى وتين

وتين خلصت دش

وتين..اووف نسيت الهدوم برا هطلع عادى هو اصلا عمر مش برا ولفت جسمها بالفوطه وطلعت

عمر سمع صوت فتح الباب وجه نظروا للباب واتصدم لما شاف وتين وهى خارجه كدا كان شكلها مغرى جدا وتين اتصدمت لما شافت عمر فى الاوضه ورجعت لورا لحد ما بقا وراها الحيطه

عمر قرب منها وحاصرها وبدأت انفاسوا تزيد اخذ ينظر الي وجهها ثم سقط نظره الي شفاتيها المحمره المقتزه

وتين بتوتر .. عمر ابعد .

عمر .. انتى حلوة اووى يا وتين .

وتين بهمس .. عمر .

عمر مقدرش يسيطر على نفسوا وقرب منها وباسها من شفايفها ببطء .

وتين اتصدمت لما عمر عمل كدا

شويه وعمر بعد عنها لما حس انها محتاجه للهواء

عمر بهمس .. ادخلى بسرعه على جوا ولو شوفتك طالعه كدا تانى مش هيحصل كويس .

وتين زقت عمر وطلعت تجرى على الحمام وقفلت الباب عليها .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡♡ ♡ ♡ ♡ ♡ ♡ ♡ ♡ ♡ ♡

وتين حطت ايديها على قلبها إللى كان بيدق بسرعه ... اهدى يا وتين هو ايه إللى حصل دا لا اكيد انا بحلم صح ابتسمت وتين فى نفسها .

عند عمر خرج بسرعه من الاوضه وراح اوضتوا واخد دش .

عمر .. انا غ*ي ايه إللى انا عملتوا دا كان لازم اسيطر على نفسي اكتر من كدا مكانش لازم استسلم قدامها انتى بقيتى خطر عليا يا وتين وخطر اووي .

وتين لما سمعت ان عمر خرج من الاوضه خرجت ولبست بسرعه هدومها وفضلت اقعده فى الاوضه وخايفه تخرج و م**وفه من إللى حصل .

عمر لبس وخرج وراح على المطبخ بس مالقاش وتين هناك عرف انها اكيد م**وفه بعد إللى حصل دا راح على اوضتها .

عمر فتح الباب .. ممكن ادخل .

وتين حطت وشها فى الأرض .. اتفضل طبعا .

عمر .. احم اسف على إللى عملتوا دا كان وقت ضعف وانا بوعدك انها مش هتقرر تانى اصلا ماينفعش انى اعمل كدا انا وعدت لمار انى مش هلمس حد غيرها بس ضعفت زى بقيت البشر .

وتين حست بوجع كبير من كلام عمر وفى نفسها .. ليه م**م تبعد كل ما تقرب خطوه تبعد عشرة ليه كل ما اقول انك بدأت تحبنى وانك قربت تبقا بتاعى ومفيش حد يشاركنى فيك تفوقنى على وجع أكبر من إللى قبلوا .

عمر قطع تفكرها .. وتين انتى معايا .

وتين بوجع .. اة يا عمر معاك انا إللى اسفه انى خرجت كدا بس مكونتش اعرف انك موجود فى الاوضه .

عمر .. خلاص حصل خير .

وتين .. انت كنت عايز تقولى ايه بقا .

عمر .. اة صح بصي يا ستى مامت لمار وباباها نفسهم يشوفوكى هما ناس طيبين اووى بس نفسهم يتعرفوا عليكى .

وتين ببتسامه .. معنديش مشكله .

عمر .. خلاص انا اتفقت معاهم اننا هنروح نتغدى معاهم بكرا ايه رايك .

وتين .. خلاص اشطا .

عمر .. طيب يلا قومى نحضر الغداء سوا ايه رايك .

وتين .. لا خليك انا هقوم انا اعمل الاكل .

عمر بمرح .. يا ستى اساعدك يلا بقا احسن انا عصافير بطنى بتهوهو .

وتين ضحكت برقه .. طيب يلا .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

راح عمر هو ووتين على المطبخ واقعدوا يعملوا الاكل سوا

عمر افتكر لما كان بيعمل الفطار هو ولمار

فلاش باك

دخل عمر واقعد فى الصالون

عمر .. انتى عامله ايه دلوقتى يا امى .

مامت لمار ببتسامه .. الحمد لله احسن بكتير .

عمر ببتسامه .. هو انا ممكن اقولك ماما عادي .

مامت لمار .. طبعا قولى يا ماما انا حبيتك جدا يا حبيبي .

عمر قرب وباس ايديها .. ربنا يخليكى لينا يا ماما .

خرجت لمار من الاوضه بعد ما لبست فستان من الون الوردى ولحد الركبه .

لمار بصوت عالى ..خيااااانه .

عمر اتخض من صوتها وبصلها باستغراب

لمار وهى بتمثل وبتحط ايديها على قلبها .. المهندس عمر وماما لا وفى بيتى لا كدا كتير قلبي الصغير لا يتحمل .

عمر وهو ميت من الضحك .. والله انتى فظيعه .

لمار بثقه .. انا عارفة .

مامت لمار .. بقولكوا ايه ادخلوا يلا حضروا انتوا الاتنين .

الفطار انا جعانه ومش اقدرة اقوم .

عمر بصدمه .. نعم اعمل ايه .

مامت لمار .. مش انت بقيت ابنى و هى بنتى يبقا تحضروا الفطار يلا .

لمار بسخريه .. هاا يلا يا عمر .

عمر بثقه .. يلا .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

لمار كانت مصدومه ان عمر دخل معاها المطبخ .

عمر وهو واقف حيران .. طب اعمل ايه بقا .

لمار .. بص انا مش بعرف اعمل غير كيك وبس .

عمر .. وانا عمرى ما دخلت المطبخ قبل كدا .

لمار .. خلاص نعمل كيك سوا .

عمر .. تمام قوليلى عايزة ايه وانا هجيبوا .

لمار .. تمام هاتلى الدقيق .

عمر .. راح جاب الدقيق وبيفتحوا فى وش لمار راح أدلق عليها شويه دقيق .

لمار بغيظ .. بقا كدا .

عمر .. والله ما كان قصدى .

لمار بغيظ .. لا اقصدك طب اهو وراحت راميه فى وشوا شويه دقيق .

عمر .. يا بنت المجنونه لبس الشغل .

لمار .. انت إللى بدأت .

عمر .. طيب وراح واخد شويه دقيق وحدفهم فى وشها .

لمار بصريخ .. عااااااا بس يا عمر .

عمر .. ابدا .

لمار .. طيب وراحت حدفت تانى عليه .

دخلت مامت لمار فى الوقت دا ولقت المطبخ متبهدل ولمار وعمر متبهدلين

مامت لمار بعصبيه .. ايه إللى عملتوه دا .

عمر ولمار فى صوت واحد .. دا هى / دا هو .

مامت لمار بحده .. المطبخ كلوا يتنضف وتعملوا الفطار بسرعه من غير الهبل دا .

عمر ولمار .. حاضر .

وبدا عمر ولمار ينضفوا المطبخ

وخلصوا وعملوا كيك سوا وشاى واقعدوا يفطروا

عمر بص لنفسوا لقا ان لبسوا اتبهدل خالص .

انتهي الفلاش باك

نظرت له باستغراب ..

وتين .. فى حاجه يا عمر .

عمر .. لا مفيش انا هستناكى برا هطلع أجهز السفرة .

وتين باستغراب من تغيروا المفاجأة .. خلاص ماشي .

عمر خرج وجهز السفرة ووتين عملت الاكل واقعدوا يأكلوا

وعمر اعجب جدا بالأكل اللى بقاله كتير اووى مداقش زيه .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

تانى يوم عمر راح يصحى وتين

عمر دخل الاوضه لقا وتين نايمه وشعرها مفرود على المخدة وشكلها كان عامل زى الأطفال

عمر .. يخربيت جمالك يا شيخه مش عارف انتى بتعملى فيا ايه ربنا يستر .

عمر قرب منها .. وتين اصحى يلا .

وتين مسكت ايدوا وهى كانت لسه مغمضه عنيها .. عمر انا بحبك اووى بلاش تسبنى .

عمر اتصدم لما سمع الكلمه ديه .. وتين قومى يلا .

وتين بدأت تفتح عنيها وعرفت ان الصوت عمر مش حلم وانوا معاها فى الاوضه .. عمر انت هنا من امتى .

عمر .. انا لسه داخل وكنت بصحيكى بس انتى شكل نومك تقيل اووى .

وتين .. لا بس علشان امبارح نمت متأخرة .

عمر .. نمتى متأخرة ليه .

وتين لنفسها .. هقولوا ايه اقولوا علشان كنت بفكر فيك ولا اقولوا علشان بحبك ونفسي تفضل جمبي وتحبنى اقولوا ايه بس ياربي .

عمر .. وتين روحتى فين انتى من امبارح و بتسرحي

وكمل بمرح .. لا كدا غلط عليكى هبدا اشك فيكى .

وتين .. لا مفيش انا هقوم اغسل وشي وأحضر الفطار .

عمر .. خلاص تمام وانا هجهز علشان نروح عند عيله لمار .

وتين .. تمام .

عمر دخل اوضتوا ولبس هدوموا وخرج لقا وتين مجهزة الفطار على السفرة

عمر .. انتى لسه ملبستيش .

وتين .. هدخل البس حالا بس كنت بجهز الفطار ليك الاول .

عمر .. طيب اقعدى افطرى الاول وبعدين ادخلى البسي .

وتين .. ماشي .

اقعدت وتين هى وعمر يفطروا ودخلت وتين ولبست فستان لحد الركبه من الون البنى وسيبت شعرها وحطت روج وخرجت .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر اول ما شاف وتين اعجب بشكلها ولقا نفسوا بيقرب منها

عمر بإعجاب .. ايه الجمال دا يا وتين .

وتين ب**وف .. ميرسي يا عمر .

عمر بص على الفستان لقا الفستان قصير وبص على وشها وشاف الروج فاتعصب .. انتى هتنزلى كدا .

وتين .. اة .

عمر .. نعم يا اختى ليه مجوزة سوسن بنت خالتك .

وتين .. فى ايه يا عمر .

عمر .. مفيش نزول كدا الفستان دا ميتلبسش تانى وامسحى إللى فى بوقك دا .

وتين بعند .. وانا يا عمر مش همسح الروج وهنزل كدا .

عمر قرب منها وهمس فى ودانها .. روحى امسحى الروج احسنلك بدل ما انا امسحولك بس بطريقيتى انا ولو مغيرتيش الفستان دا هدخل اغيرهولك بنفسي .

وتين بصدمه .. يا قليل الادب .

عمر بغضب .. اتلمى يا وتين وإدخلى يلا غيري الق*ف دا .

وتين دخلت تجرى على اوضتها ولبست بنطلون جينز وتشيرت اصفر بنص كم ومسحت الروج وخرجت

عمر .. ايوة كدا حلو .

وتين بغيظ .. ربنا قادر على المفترى .

عمر .. بتقولى حاجه يا وتين .

وتين .. لا مفيش بدعيلك .

عمر .. طيب يلا علشان ننزل .

وتين .. يلا .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

نزلت وتين وعمر وركبوا عربيه عمر وراحوا على بيت عيله لمار .

عمر طلع هو وتين إللى كانت متوترة

عمر مسك ايديها .. اهدى متخافيش هتحبيهم اووى .

عمر خبط ومامت لمار فتحت الباب

مامت لمار .. اهلا يا عمر وبصت على وتين إللى كانت واقفه ورا عمر وحست قد ايه وتين طيبه .

عمر حضن مامت لمار .. وحشتينى يا قمر انتى .

مامت لمار .. وانت كمان يا حبيبي .

عمر بعد عن حضن مامت لمار

مامت لمار وهى بتبص لوتين وفتحتلها دراعتها .. ايه مش هتيجى انتى كمان تحضنينى ولا ايه .

وتين قربت بسرعه واترمت فى حضنها

مامت لمار حضنتها اكتر .. يااه تصدقى بايه ان لاول مرة من سنه ونص احس ان بنتى عايشه .

وتين بدموع .. ربنا يرحمها يا طنط .

مامت لمار .. لا مش بحب طنط ديه قوليلى يا ماما .

وتين .. ماشي يا ماما .

أمجد جه من وراهم .. ايه هتفضلوا على الباب كتير .

مامت لمار .. لا داخلين اهو بس ايه رايك بقا فى وتين بنتى .

أمجد قرب وشدها لحضنوا هو كمان .. اسمها بنتنا مش بنتك انتى لوحدك .

وتين حست بحنيه الاب لاول مرة فى حياتها

عمر من وراهم .. لا بقا انا بغير على مراتى انتوا عمالين تحضنوا وتبوسوا فيها لا كدا كتير ماينفعش كدا .

امجد .. ملكش دعوه ياض انت .

عمر .. كدا يا حاج يعنى اطلع انا منها .

مامت لمار .. ايوة اطلع منها وتين ديه إللى هتعوضنى عن بنتى إللى ماتت وهى فى عز شبابها .

وتين .. انا بجد حبتكم اوى يا ماما .

مامت لمار .. طيب تعالى بقا معايا نحضر احنا الغداء ونكلم جوا شويه .

وتين .. خلاص تمام يلا .

ودخلت وتين ومامت لمار المطبخ

أمجد .. وانت ياض تعالي معايا نلعب دور شطرنج نشوف مين إللى هي**ب .

عمر .. طيب يلا يا حاج .

وراح عمر وامجد يلعبوا

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عند وتين ومامت لمار

مامت لمار ببتسامه .. بصي يا بنتى عمر طيب جدا عارفة انوا اكيد بعيد عنك بس عمر اول حب فى حياتوا كانت لمار وفجأة لمار بقت مش معاه عاش بذنب هو مالوش ايد في فضل حابس نفسوا سنين فى شقتوا كان مش بيكلم حد كان دايما حزين بس امبارح لما جه عندنا واقعد يكلم عنك واقعد يشكر فيكى ويضحك عرفت انك دخلتى قلبوا حتى لو بنسبه صغيرة بس دخلتى قلبوا بدأ يفكر فيكى بداتى تشغلى عقلوا انا عايزاكى يا وتين تعوضيه عن بنتى الله يرحمها .

وتين بدموع وفرح .. حاضر يا ماما .

مامت لمار .. ممكن اطلب منك طلب يا بنتى .

وتين .. طبعا يا ماما .

مامت لمار بدموع .. ممكن تيجى تزورينى كل كام يوم علشان أحس أن بنتى لسه عايشه .

وتين اترمت فى حضنها .. حاضر من غير ما تطلبي كنت هعمل كدا .

مامت لمار .. ربنا يخليكى ليا يا حبيبتى .

الباب خبط ودخل عمر

عمر .. لا كدا اغير بقا عاملين تحضنوا فيها طيب ايه انا مليش من الحب دا جانب ولا ايه .

وتين ا**فت من كلاموا

مامت لمار .. لا طبعا ليك مش كفايه انك عرف*نى على اجمل بنت فى الدنيا ديه كلها .

وتين .. ربنا يخليكى يا ماما .

عمر .. لا كدا كتير بجد ايه هو احنا مش هناكل ولا ايه .

مامت لمار .. هقوم انا ووتين نحضر الاكل اهو .

عمر .. طيب يلا بسرعه علشان هموت من الجوع .

وتين .. طيب يلا يا ماما .

مامت لمار .. يلا يا حبيبتى .

راحت وتين ومامت لمار وجهزوا الاكل والكل اقعد ياكل وعاشوا فى جوا الكل كان محتاجوا وفى اخر اليوم عمر ووتين ودعوهم وروحوا على بيتهم .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

انتهي البارت تتوقعوا ايه اللي هيحصل في الاحداث اللي جايه ويا تري علاقة عمر و وتين هتتطور ازاي وازاي هيبدوا يحبوا بعض وهل لمار هتفضل عاق في حياة عمر وهيفضل دايما فاكرها ولا وتين هتقدر تنسيه لمار ياريت تتفاعلوا علشان نعرف نكمل الروايه ان شاء الله واكمل تنزيل الفصول وياريت تتوقعوا الاحداث ونشوف رأيكم .

روايه / وتين ♡

للكاتبه / اسراء محمود ♡