وتين?

الفصل الخامس عشر

عمر راح تانى يوم واستنا وتين وجت وبقوا اصحاب جدا وقربوا اووى من بعض فى خلال فترة صغيرة وكان عمر دايما بيخليها تبتسم لحد ما جه يوم ومجتش وتانى يوم لقاها جايه وبتعيط جامد .

عمر اتخض .. فى ايه يا وتين مالك .

وتين بدموع .. انهاردة كتب كتابي يا عمر .

عمر بصدمه .. ايه .

وتين .. بابا جابلي عريس صاحبه وم**م اني اجوزه علشان الفلوس .

عمر .. هو لسه في حوار الجواز مقابل الفلوس دا .

وتين بخجل .. اه يا عمر بابا اهم حاجه عنده الفلوس .

**ت عمر يفكر ماذا سيفعل ..

خد عمر وتين ووصلها لحد البيت وطلع على فيلة باباه واتصل على مروان علشان يجيلوا هناك

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

واول ما دخل لقا باباه ومروان مستنينوا

مروان بقلق .. فى ايه يا عمر صوتك مش مريحنى .

عمر بجديه .. انا قررت اجوز .

محمد ومروان فى نفس الوقت .. نعم .

عمر .. زي ما سمعتوا انا قررت اجوز انهاردة بليل .

مروان بصدمه .. انت بتهزر صح .

عمر .. هو فى هزار فى الكلام دا اكيد مش بهزر يعنى .

زغرطت والدة عمر .. يا حبيبي يا بني اخيرا عقدتك اتفكت .

زعق فيها محمد .. اسكتي دلوقتي لما افهم جوازة ايه اللي طلعت فجأه ديه .

عمر .. هو ايه الغريب بقولكم هجوز فيها ايه .

محمد .. طيب ازاى ويعنى ايه هتجوز بليل هو انت تقرر مع نفسك امتى تجوز وامتى لا انت مش ليك اب تعرفوا .

عمر .. يا بابا افهمنى الاول وبعدين احكم .

محمد .. اتفضل فهمنى .

عمر بهدوء .. بص يا بابا إللى حصل ........

محمد اتاثر بكلام عمر .. هو فى اب كدا يا بنى يبيع بنتوا .

والدة عمر .. حسبي الله ونعمه الوكيل فيه دا راجل ضلالي .

عمر .. اة يا بابا علشان كدا انا هجوزها وانقذها منوا .

محمد بخبث .. هتتجوزها بس علشان تنقذها منوا مش علشان انت معجب بيها وبتحبها .

عمر بحده .. لا يا بابا انا عمرى ما هحب غير لمار ولو عملت ع** كدا يبقا اموت احسن بدل ما اخونها واموت ساعتها بردو بعذاب الضمير .

مروان حاول يهدي من حده الموضوع .. انت المفروض هتروح امتى .

عمر .. على المغرب كدا المهم جهزلى شنطه فلوس علشان ناخدها معانا واعمل حسابك هتيجى معايا انت وبابا يعنى لازم تروح دلوقتى تجهز .

مروان .. خلاص تمام انت هتروح فين .

عمر بهدوء .. انا رايح ل لمار بقالى فترة مزورتهاش .

مروان .. تمام .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر نزل وراح عند مقابر لمار

عمر بدموع ..حبيبتى وحشتينى اووى انا عارف انى خلفت وعدى وهجوز بس انا كان لازم اعمل كدا يا لمار كان لازم انقذها بس اوعدك انى مش هلمسها خالص علشان ماينفعش تكون مكانك يا حبيبتى انا لازم امشي دلوقتى يا روحى هجيليك تانى مش هتاخر عليكي واعرفي ان مكانك عمر ما حد يقدر ياخده .

عمر خرج وتوجه إلى البيت ولبس بدلة سوده شيك وخد باباه فى العربيه وراح ناحيه بيت وتين

عمر .. الو يا مروان انت فين .

مروان .. انا اهو داخل على البيت .

عمر .. جبت كل إللى قولتلك عليه .

مروان .. اه متخافش كل حاجه جاهزة .

عمر .. خلاص تمام يلا مستنيك .

عند وتين كانت منهارة من العياط دخل عليها عصام

عصام بستهزاء .. ايه فى عروسه بتعيط يوم فرحها لا دا عيب والله .

وتين بسخريه .. وانت تعرف ايه هو العيب او الحرام ولا اصلا تعرف ان اللي بتعمله دا حرام شرعا وقانونا ولوما انك بابا الا وكنت بلغت عنك .

عصان شدها من شعرها .. تتلمى بدل ما المك والله مش هيهمنى الناس إللى برا دول ممكن اض*بك قدامهم عادى .

وتين برجاء .. طيب ونبي متجوزنيش ليه وانا هعمل كل إللى انت عايزوا وهد*ك كل الفلوس إللى انت عايزاها بس ونبي سبني يا بابا بلاش تجوزنى ليه .. اقولك اض*بني اعمل اي حاجه وانا مش هشتكي بس متجوزنيش للراجل اللي برا دا .

عصام زقها برجلوا .. ابعدى عنى يا بت انتى نص ساعه وتكونى برا لو اتاخرتى عن كدا هدخل اموتك بايدي .

وسابها وخرج دخلت عليها سعاد ودموع فى عنيها

سعاد بدموع .. اسفه يا بنتى انا إللى عملت فيكي كدا انا إللى برميكي فى النار بايدي .

وتين .. متعتذريش يا ماما هو إللى شخص قذر يارب بقا خلصنى منوا .

سعاد .. قومى يلا يا بنتى اجهزى بدل ما يجي ياذيكي .

وتين بدموع .. حاضر .

قامت وتين ولبست فستان ابيض ضيق من عند الخصر وحطت ميكيب بسيط جدا خرجت .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

العريس كان شكلوا يخوف اول ما وتين شافتوا خافت من شكلوا ومن طريقتوا فى الكلام .

العريس .. يلا ابدا يا مولانا العروسه جت .

المأذون .. تمام .

عمر قطعهم .. لا معلش مش تمام .

كل إللى كان موجود انتبه على صوت عمر وكل المعازيم ركزوا على نظرات عمر لوتين ونظرات و وتين إللى ممزوجه فرحه على خوف على رجاء انوا ينقذها على شكر انوا جه فى الوقت المناسب قبل ما تبقا لراجل تانى .

العريس .. نعم يا أخ وانت مالك انت بكتب كتابي كنت مين علشان توقفوا .

عمر بثقه .. انا العريس .

العريس .. نعم يا اخويا .

عمر بثقه .. ايه سامعك تقيل ولا ايه بقولك انا العريس .

العريس بص لعصام .. ايه إللى بيقولوا دا .

عصام .. والله مش عارف وكمل وهو بيبص على عمر انت مين يا أخ .

عمر .. هو انا هقعد اشرح كتير انا العريس يا عمى .

عصام .. عريس ايه .

عمر قرب منوا وهمس .. هد*ك ضعف إللى هو هيدفعوا وكمان كاش مقابل انى اتجوز بنتك حالا .

عصام نظر ليه بطمع .. خلاص موافق يا باشا .

وتين بحده .. هو ايه إللى موافق المرادى انت بعتنى بكام ليهم يا عصام باشا ما انا البضاعه إللى بيدفع اكتر بياخدها .

عصام رفع ايدوا علشان يض*ب وتين بس عمر وقف فى النص ومسك ايدوا .. ايدك اوعى تمدها عليها ديه هتبقا مرات عمر السيوفى واللى يمد ايدوا عليها ا**رهالوا حتى لو كان أبوها .

عصام خاف ونزل ايدوا

العريس .. انا مش هسكت على المهزلة ديه .

عمر .. اعلى ما فى خيلك اعملوا .

عمر وجه نظروا على عصام .. يلا نكتب الكتاب بقا .

وتين بحده .. كتب كتاب ايه انا مش موافقه انا مش هقبل انى اتجوز بالطريقه ديه .

عمر قرب منها وهمس .. اهدى كدا ويلا وخليكى واثقه فيا يا وتين انا لازم اعمل كدا علشان ارحمك منوا .

وتين بدموع .. بس كدا هتوجع اكتر انا حاسه انى رخيصه اووى يا عمر واني مليش قيمه لدرجاتي كل من هب ودب ومعاه فلوس يشتريني .

عمر مسح دموعها .. ممكن متعيطيش كل إللى جاي هيبقا احلى وعد .

عصام بسخريه .. ايه هيخلص المسلسل دا امتى .

عمر .. كل حاجه هتخلص دلوقتى يلا نكتب الكتاب .

وبدا المأذون يكتب الكتاب

عمر كان بيفتكر لما كان بيجوز هو ولمار وافتكر ابتسامتها وفرحتهم افتكر كل إللى فات وكان حاسس بخانقه وضيق في ص*ره .

عمر فاق على جمله المأذون .. بارك الله لكما وبارك عليكما وجمع بينكما فى خير .

عمر قرب من وتين إللى كانت دموعها نزله على وشها

عمر بهمس .. مش عايز اشوف دموعك ديه تانى يا وتين ارجوكي .

وتين .. غصب عنى يا عمر انا معرفتش اكون عروسه تخرج من بيت ابوها بفستان فرح وزيته وفرح كبير الكل يحكي ويتحكاه فيه وفي الاخر ابويا يبعني ليك علشان دفعت اكتر .

عمر .. كل حاجه هتبقا كويسه يلا بقا نروح بيتنا .

وتين بتوتر .. هسلم على ماما واجى .

وتين بدموع .. هتوحشينى يا ماما .

سعاد .. هتوحشينى اكتر يا قلب ماما بس انا متاكده انوا هيحافظ عليكى يا بنتى .

وتين .. يارب يا ماما .

وتين بصت على عصام إللى كان واقف وبيبص عليها وتين بصتلوا بحتقار وكانت ماشيه مع عمر .

عصام بسخريه .. ايه مش هتسلمي على ابوكى يا وتين .

وتين لفت ليه .. انت مش ابويا انا مشوفتش اب بيعمل كدا فى عيالوا يا شيخ انا كنت بدعى على نفسي انى اموت علشان ارتاح من إللى انت بتعملوا فيا حاولت كتير اقرب منك حاولت كتير اعملك إللى انت عاوزوا ممكن تحبنى أو تعاملنى على اساس ان انا بنتك بس طلعت غلطانه انت إللى زيك قلبوا حجر وفى الاخر جاى تقولى مش هتسلمى على ابوكى هو فين بابا دا انا ابويا مات من زمان انا معنديش غير ام بس فاهم انسانى خالص يا عصام بيه وخلي الفلوس تنفعك بس افتكر ان الكفن مفيهوش جيب علشان تاخد معاك الفلوس ديه وانت رايح .

وتين بصت لعمر إللى كان حاضر الموضوع كلوا وساكت

وتين .. يلا يا عمر انا جاهزة .

عمر خد وتين ونزل ركب العربيه ومحمد ركب مع مروان علشان يسيب وتين وعمر فرصه يكلموا .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

فى عربيه عمر

وتين .. ليه عملت كدا يا عمر .

عمر .. علشان انا وعدتك انى هنقذك منهم .

وتين .. بس مش بالطريقه ديه يا عمر انت كدا عملت زيوا بظبط دفعت فلوس علشان تقدر تنقذني وكأني سلعة انت بتشتريها .

عمر وقف العربيه .. وتين انتى باباكى مكانش هيوافق غير بالطريقه ديه ولو مكونتش عملت كدا كونتى هضيعي من ايدي و انا مش هسمح انك تضيعي من ايدي .

وتين فرحت ان عمر متمسك بيها .. عمر انت ليه بتعمل معايا كدا انت اصلا مش مجبور انك تنقذنى من الجوازه ديه .

عمر .. من واجب الصداقه انى اعمل كدا واني اساعدك .

وتين زعلت لما قالها كدا .. يعنى انت عملت كدا علشان احنا صحاب .

عمر اتحرك بالعربيه واتكلم ببرود .. اه يا وتين .

وتين بصت لشباك ونزلت دموعها علي خدها .

وتين كانت بتكلم نفسها .. هو انا بعيط ليه ما انا عارفة انوا بيحب مراتوا الله يرحمها بس انا حبيتوا ديه غلطتك انتى يا وتين هو كان ص**ح معاكى من الاول المفروض تنسيه ومكانش ينفع انك تتعلقي بيه .

عمر قطع عليها تفكرها .. احنا وصلنا .

وتين بصتلوا وهزت راسها ونزلت من العربيه

عمر طلع وفتح الباب .. اتفضلى .

وتين دخلت الشقه وبدأت تتأمل الشقه .

الشقه كانت كبيرة وذوقها حلو جدا شافت ان كل الحيطان متعلق عليها صور ليه هو واحده وخمنت ان ديه مراتوا

وتين قربت من الصورة الكبيرة إللى متعلقه فى وش الباب ومسكتها كان عمر واقف وحاضن لمار فيها وضحكتهم مرسومه علي وشهم .

وتين .. ديه مراتك .

عمر خد منها الصورة وبصلها بحب .. اه مراتى وحبيبتى وكل حياتى .

وتين لما سمعت كدا حست انوا حط فى قلبها سكينه واقعد يغرز فيها .

وتين نزلت دمعها من عنيها مسحتها على طول علشان عمر مايخودش بالوا .. الله يرحمها .

عمر بشرود .. يارب .

وتين .. هى فين اوضتى .

عمر وصلها لحد الاوضه بتاعت الأطفال .. انتى ممكن تنامى فى الاوضه ديه موقتا يعنى لحد ما اغيرلك الد*كور بتاع الاوضه .

وتين .. مفيش مشكله الاوضه اصلا حلوة وكمان واسعه .

عمر .. خلاص تمام تصبحي على خير .

وتين .. وانت من اهل الجنه .

عمر ابتسم على طيبه قلب وتين وكمان جمال دعأها ليه .

عمر سابها ودخل اوضتوا وبدا يفكر فى وتين إللى خدت عاقلوا من اول ما شافها عمر افتكر ابتسامتها برائتها طيبه قلبها نظرت عنيها

عمر .. انتى خطر عليا يا وتين انا بدأت افكر فيكى اكتر من الاول ما ينفعش افكر فى حد غير لمار .

عند وتين دخلت الاوضه لقت سرير أطفال ودولاب صغير مليان ال**ب ولقت صور ل لمار وعمر كتير .

وتين قربت من الصورة وشافت ضحكت عمر وابتسمتوا .

وتين .. وعد ارجعلك ابتسمتك تانى يا عمر وعد اخليك تحبنى زى ما حبيت لمار .

دخلت خدت دش وبعدين راحت على السرير ونامت من كتر التعب وضغط اليوم .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عمر كان اقاعد على السرير وبيحاول ينام بس من كتر التفكير مكانش عارف ينام وكل شويه يفكر فى وتين عمر قام من على السرير وراح يشوف وتين

عمر قرب من اوضة وتين وكان متردد يدخل ولا لا بس فى الاخر فتح الباب ودخل

عمر دخل لقا وتين نايمه على السرير ولابسه بيجامه حمره وفاردة شعرها على المخدة عمر قرب من السرير وقعد جمب وتين على السرير وبدأ يبص عليها عن قرب .

عمر رفع ايدوا وبدا يحسس على شعر وتين

عمر وهو بيحسس على شعر وتين .. مش عارف انتى عملتيلى ايه بقيت بحب اكلم معاكى خلتينى احكيلك كل حاجه عن حياتى من غير ما أندم انى حكيتلك خلتينى وقفت قدام باباكى وعيلتك كلها علشان متجوزيش حد غيري انا عارف ان كدا غلط عارف انى مكانش لازم ادخل حد فى حياتى وانا قلبي مشغول بانسانه تانيه بس انا مش عارف ابطل تفكير فيكى .

عمر قرب من وتين وباسها من جبينها وقام مشي وراح على اوضتوا

فى الوقت دا وتين فتحت عنيها وابتسمت

وتين .. اوعدك يا عمر قريب اووى هخليك تحبنى .

وكل وأحد منهم راح فى ثبات عميق

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عند مروان ونور

نور كانت كل شويه تتصل بمروان وهو شايف رقمها بس مش راضي يرد

فى الوقت دا مامت مروان دخلت عليه

مامت مروان .. بردو لسه مش بترد عليها يا بنى بلاش تعذبها وتعذب نفسك معاها .

مروان .. يعنى انتى يا امى متعرفيش هى عملت ايه كل شويه تأجل الفرح .

مامت مروان .. ما انت عارف يا بنى انها زعلانه على صاحبتها وانت بنفسك بتروح معاها كل يوم المقابر تزور صاحبتها يبقا تصبر عليها .

مروان .. يا ماما لمار بقالها سنه ونص مايته هنفضل نأجل فى الفرح لحد امتى يا ماما .

مامت مروان .. خلاص يا بنى كلمها براحه علشان خاطرى ريح قلبك بقا يا بنى .

مروان .. حاضر يا ماما .

مامت مروان .. ربنا يهد*ك يا بنى .

وسابتوا وخرجت

مروان اتن*د ورد على نور

نور ..اخيرا يا مروان رديت ينفع إللى انت بتعملوا دا انا من امبارح بتصل بيك وانت لسه فاكر ترد .

مروان بغضب .. مين فينا إللى لازم يزعل يا نور انا ولا انتى .

نور بدموع .. انت مبقتش بتحبنى يا مروان صح .

مروان .. مين إللى قالك كدا يا نور .

نور بدموع .. تصرفاتك يا مروان .

مروان اتن*د .. لو كنت مش بحبك مكونتش هبقا نفسي نجوز النهاردة قبل بكرا ومكونتش رديت عليكى دلوقتى .

نور .. يعنى انت لسه بتحبنى .

مروان .. اة لسه بحبك وهفضل احبك لاخر نفس فيا .

نور .. وانا كمان بحبك .

مروان ابتسم .. اخيرا قولتى كلمه حلوة يا شيخه .

نور .. يااه دا انا معذباك بقا .

مروان .. جدا قوليلى بقا الفرح امتى .

نور .. فرح ايه .

مروان .. فرحنا يا نور .

نور .. انت لسه مُصر اننا نحدد الفرح .

مروان .. اة يا نور .

نور ب**وف .. خلاص يا مروان تعالى فى اى وقت واتفق مع بابا على يوم .

مروان .. بجد يا نور .

نور .. اة بجد يا مروان .

مروان .. خلاص انا جاى دلوقتى .

نور .. دلوقتى ايه يا مجنون الساعه داخله على 12 .

مروان .. ما انا خايف تغيري رايك .

نور .. لا متخافش مش هغير رأي

مروان .. خلاص هجيلك بكرا بعد ما اعدى على عمر .

نور باستغراب .. هتعدى على عمر ليه .

مروان اتوتر .. ع .. ع .. عشان .

نور باصرار .. فى ايه يا مروان قول .

مروان .. علشان عمر اجوز امبارح وكنت رايح ابراكلوا .

نور بصدمه .. نعم مين دا إللى اجوز .

مروان .. اهدى يا نور بس .

نور بدموع نزلت من عنيها .. قبل ما تعدى على عمر تعدى عليا تاخدنى انا هروح معاك .

مروان .. يا نور مش عايزين مشاكل انتى مش عارفة عمر اجوز وتين ليه .

نور .. وانت طبعا كنت عارف واكيد روحت شهدت على كتب الكتاب طبعا وكملت بنهيار ..طيب انت مش عارف انا هيحصلي ايه لما اعرف .

مروان .. على فكرة محدش فينا يقدر يلوم عمر عمر اكتر واحد اتوجع فينا وبعدين هو لسه منسيش لمار واجوز بس علشان يمنع مشكله كانت هتحصل .

نور .. انا مليش دعوه بكل دا انت تعدى عليا بكرا يا مروان وانا هروح معاك سلام .

مروان .. نور استنى .

نور قفلت التليفون واقعدة تعيط ان فى حد خد مكان صاحبتها .

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

أشرقت الشمس بيوم جديد بأحداث جديدة

مروان قام ولبس وجهز وعدى على نور الاول

عند عمر ووتين

وتين قامت وراحت على المطبخ وبدأت تحضر الفطار زى ما هى متعودة تحضروا

فى الوقت دا عمر صحى وسمع صوت برا وخرج وكان عمر لابس البنطلون بس و عارى الص*ر

عمر دخل على المطبخ فى الوقت دا وتين بتجهز الفطار

عمر جه من وراها .. بتعملى ايه .

وتين اتخضت من صوت عمر وكانت بتلف بس رجليها اتزحلقت وكانت هتقع .

عمر جرى ومسك وتين من خصرها وقربها ليه .

وتين اتصدمت اكتر لما شافت شكل عمر وانوا لابس البنطلون بس غير وضعهم المحرج .

عمر حس بيها وبعد عنها

وتين حطت ايديها على وشها ولفت ضهرها .. ممكن تروح تلبس حاجه علشان كدا ماينفعش .

عمر .. هو ايه إللى ماينفعش انتى مراتى وبعدين انا متعود انى بقعد كدا وبنام كدا .

وتين .. لا معلش ابقا البس حاجه علشان انا موجودة .

عمر قرب منها جامد وحضنها من ضهرها وهمس فى ودانها .. ولو ملبستش .

وتين بتوتر و**وف .. عمر ابعد ما ينفعش كدا .

عمر بعد عنها .. انا هروح البس تشيرت وانتى جهزى الفطار عقبال ما البس .

وتين هزت رأسها بصعوبه

عمر راح على اوضتوا ولبس تيشرت رصاصي وخرج لقا وتين حضرت الاكل على السفرة

قعد عمر ياكل واعجب جدا بالأكل

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

عند مروان وصل بيت نور

مروان وهو بيكلم مامت نور .. ازيك يا طنط .

مامت نور .. تمام يا بنى .

مروان .. اومال فين عمى .

مامت نور .. فى الاوضه استنى اندهولك .

مروان .. تمام .

بابا نور جه .. ازيك يا مروان .

مروان .. الحمد لله يا عمى .

بابا نور .. هاا كنت عايزنى فى ايه .

مروان .. احم بس يا عمى انا كنت جاي علشان نتفق على معاد فرحى انا ونور .

بابا نور .. تمام يا بنى ايه رايك بعد شهرين .

مروان بسرعه .. لا شهرين كتير يعنى انا مستنى كل دا وفى الاخر شهرين .

بابا نور .. طيب انت عايزوا امتى .

مروان .. والله انا لو عليا اخليه بكرا .

بابا نور .. بكرا ايه لا دا سلق بيض .

مروان .. خلاص انا بقول بعد اسبوع .

بابا نور .. لا انت مستعجل اووى .

مروان .. ومستعجلش ليه الشقه جاهزة وانا جاهز مش فاضل غير البدلة والفستان دول سهل نجبهم .

بابا نور .. خلاص خليها بعد شهر ومش هينفع نقدم اكتر من كدا هاا ايه رايك .

مروان بستسلام .. خلاص موافق .

بابا نور .. خلاص مب**ك يا مروان .

مروان .. الله يبارك فيك يا عمى .

فى الوقت دا دخلت نور

مروان .. جهزى نفسك الفرح كمان شهر .

نور بصدمه .. نعم شهر ايه .

مروان .. والله انا قولت شهر كتير محدش صدقنى .

نور .. لا دا قليل اووى طبعا .

مروان .. هنلحق يا نور نخلص كل حاجه متخافيش .

نور .. خلاص طيب يلا بقا ننزل .

مروان .. ما بلاش يا نور تيجى معايا .

نور .. لا انا جايه يا مروان يلا .

نزل مروان ونور وركبوا العربيه ومروان اتحرك على بيت عمر

ونزل مروان ونور

عند عمر و وتين

عمر خبط على اوضه وتين .. وتين خلصتى لبس .

فتحت وتين الباب وكانت لابسه بنطلون جينز وتشيرت ابيض بنص كم وكانت مسيبه شعرها لورا وحطت ميكيب خفيف .

عمر بنبهار .. ايه الجمال دا .

وتين ب**وف .. ميرسي يا عمر .

عمر ابتسم على **وفها .. اموت انا فى الورد الجورى دا .

وتين ا**فت اكتر وحاولت تدارى **وفها بانها تفتح موضوع تانى .. هو مين إللى جاى علشان كدا لبست .

عمر .. مروان صاحبي ومراتوا نور .

وتين .. اة تمام .

فى الوقت دا الباب خبط عمر فتح الباب

وسلم عليهم

نور اول ما شافت عمر بصتلوا من فوق لتحت ودخلت من غير ما تسلم عليه

عمر فهم نور عملت كدا ليه

نور اول ما دخلت بصت على وتين وتين استغربت من نظرات نور ليها

وتين قربت منها .. اهلا وسهلا شرفتى .

نور باقتضاب .. شكرا .

مروان ببتسامه .. ازيك يا وتين .

وتين .. الحمد لله يا استاذ مروان .

مروان .. استاذ ايه قولى مروان ب ..اااااااااااة .

نور خبطتوا تانى فى بطنوا .. علشان تقلل من المحن شويه .

مروان .. ربنا على المفترى يا شيخه .

عمر .. ايه بقا سبب الزيارة السعيدة ديه .

مروان .. ايه هتطرودنا من بيتك ولا ايه يا عمر بيه .

عمر .. لا بس انا مستغرب .

نور .. الصراحه انا إللى المفروض استغرب .

عمر .. تستغربي من ايه يا نور .

نور وهى بتبص على وتين .. انك اتجوزت ونسيت لمار .

عمر .. بتهيالى دا شئ يخصنى انا بس مش يخصك ثانيا انا منستش لمار لانى عمرى ما هنسها آخر حاجه متدخليش فى حياتى الشخصيه يا نور طالما متعرفيش البني ادم اللي قدامك مر بايه .

نور اتعصبت .. لا هدخل مش انت السبب فى موت صاحبتى لا وكمان عايش حياتك عادى وبتجوز وبتضحك ومبسوط ادخل يا عمر علشان انا متاكده ان صاحبتى مقهورة دلوقتى .

مروان .. بس يا نور كفايه .

عمر .. انا مش السبب فى موت حد يا نور افهمى بقا .

وتين دموعها نزلت على خدها .. عن اذنكم انا داخله جوا ودخلت .

نور اقعدت على الكنبه تانى وعيطت .. انا تعبت الكل قادر يعيش من غير لمار إلا انا انا مش قادرة اعيش من غيرها كلكم نسيتوا إلا انا .

مروان قرب من نور وخادها فى حضنوا .. ممكن تهدى علشان خاطرى انا .

عمر .. انا اسف يا نور انى اتعصبت عليكى بس انتى إللى قولتى كلام انا متوقعتش انك تقوليه .

نور .. انا اسفه يا عمر انا مش عارفة انا قولت كدا ازاى .

عمر .. خلاص متعتذريش يا نور هدخل اشوف وتين دخلت وهى معيطه .

نور .. لا خليك انت انا هدخلها .

عمر .. ماشي بس اوعى تزعليها يا نور .

نور .. متخافش يا عمر .

نور خبطت ودخلت و ........

♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡ ♡

استوب انتهى البارت

ياترى عمر هيعمل ايه هيعيش هو ووتين كازوج وزوجه طبيعين ولا لا ؟

ويا ترى وتين هتعرف تنسي عمر لمار ولا لا ؟؟

الخاتمه

احذر من حواء يا آدم فعندما تن**ر تتحول إلى وحش كاسر ??

روايه / وتين .

للكاتبه / اسراء محمود .