"Napaka-wrong timing naman ng bagyo." mahinang angal ni Mellie habang nakatingin sa labas ng bintana. Kasalukuyang papasok ang bagyo kaya hindi pa gaanong mahangin at maulan. Pero iyon ang araw ng check-up niya. Wala naman siyang natanggap na text mula sa secretary ng doktor kaya nasisiguro niyang tuloy ang check-up. Lihim siyang nagdasal na sana ay hindi pa iyon lalakas hanggang sa makauwi sila.
Doon tumunog ang doorbell. Agad siyang lumabas at nahigit ang hininga ng makita si Winston. Agad na siyang lumabas. Balak pa sana niya itong painumin ng kape pero dahil sa panahon ay hindi na niya ginawa. Baka biglang umulan ng malakas at maabutan lang sila ng baha sa daan.
"Let's go?" nakangiting tanong ni Winston. Bigla yatang gumanda ang araw ni Mellie dahil sa maaliwalas na ngiting Winston.
