PROBLEMADONG-problemado si Esang habang nakatingin sa kawalan. Hindi na talaga siya maka-focus sa klase dahil sa hindi siya mapakali at wala siyang maisip na solusyon at kung paano sasabihin kay Haven ang nangyari sa araw na iyon. Tanaw na tranaw niya si Esmael na ang lakas kung makatawa kasama ang mga barkada nito. Paano kaya nagagawa ng lalaki na tumawa sa kabila ng ginawa nito sa kaniya? Anong akala ng lalaki na iyon, hahalikan lang siya sa kung gusto nito?
Napahinga siya nang malalim habang pinipilit niya ang sarili na pakalmahin. Hindi dapat siya magpadala sa kaniyang emosyon lalo na at katabi niya lang si Diane. Pinag-iisipan pa niya kung paano niya sasabihin mamaya kay Haven ang lahat. Pakiramdam niya ay napakalaki ng kasalanan niya. Hindi niya mawari kung bakit? Wal
