Napahinga nang malalim si Esang habang nakatingin sa kaniyang mga damit na nasa cabinet. Wala siyang ma-isip kung ano ang susuotin sa mga oras na iyon. Kung bakit kasi hindi sinabi agad sa kaniya ni Haven na birthday pala ng mama nito kaya inimbetahan siya. Ngayon tuloy ay di niya alam kung ano ang dapat na gawin sa mga oras na iyon. Natatakot siya na baka mapahiya kapag naroon na sa mismong party.
May kumatok sa kaniyang silid. Nataranta siya bigla at baka si Haven na iyon. Kanina pa kasi siya at hindi pa nakakalabas ng kaniyang silid, baka naiinip na ito sa kakahintay. Mabilis siyang tumungo sa pinto at binuksan iyon, napahinga na lamang siya nang maluwag nang ang Lola Sarah ang sumalubong sa kaniya.
“Apo, kanina pa naghihintay si Haven sa ibaba. Bakit ang tagal mo naman? Saka bakit
