DEIMOS
TATLONG buwan ang lumipas, natapos ko na ang lahat ng pinapagawa ni Direk sa akin. Nabasa niya na ito at masaya akong nagustuhan niya ang twist na dinagdag ko sa kuwento. Kahit si Tita Melchora, napayakap sa akin. Ang sarap lang sa pakiramdam na makatanggap ng praises mula sa kanila na beteran sa industriya.
Mabuti na lang na natapos ko iyon kahit minsan ang lalim ng aking iniisip. Araw-araw akong hindi mapakali, natatakot ako para sa mahal ko. Mapanganib si Virginia, iyon ang natuklasan ko. Hindi siya iyong babaeng puwede ihalintulad kay Maria Clara, maaaring katulad ko rin siya o 'di kaya mas malala pa.
Nandito ako sa US ngayon, walang alam si Phobos dito. Hindi ko sinabing pupuntahan ko siya. Ang ipinagdasal ko, sana hindi ako matulad sa isang karaniwang eksena sa pelikula n
