PHOBOS HEMATITE
TATLONG taon na ang lumipas at mapahanggang ngayon, nandito pa rin ang sakit sa puso ko. Hindi ko alam kung paano mawawala ito. Ang hirap tanggapin. Si Deimos ang unang babaeng minahal ko at ang akala kong maging huli. Pero pinaglaruan kami ng tadhana at napunta siya sa pinsan ko.
Ginawa ko ang lahat para mapasaakin muli si Deim, pero hindi niya ako pinagbibigyan. Alam kong mahal pa niya ako, hindi ako manhid para hindi maramdaman 'yon. Ang hindi ko lang maintindihan kung bakit ayaw na niya. Puwede naman kaming magsama kahit may anak na siya, tanggap ko iyon dahil mahal ko siya. At isa pa, inaanak ko ang anak niya, si Moonstone. Nang malaman ko ang pangalan nito, parang sinaksak ako ng kutsilyo sa puso. Wala akong karapatan na burahin ang pangalan ng bata dahil desisyon
