DEIMOS CARNELIAN
"TOTOO ba 'yong sinabi ni Phobos?" tanong ko nang pumasok si Grey sa kuwarto namin ni Moonstone.
Tumango ito. Hindi ko mapigilang humagulgol sa nalaman. All this time, niloko niya ako. Sinadya niya talagang gawin 'yon. Ano ang rason niya? Bumuntong hininga ako. Ayaw kong makipag-away dahil nasa tabi ko ang anak namin. Baka magising pa ito.
"Dahil ba naiingget ka kay Kuya Black? Gusto mong malaman niya rin na nakabuntis ka? Gusto mong ipakita sa kanya na nakapag-move on ka na? Kaya ginamit mo ang sitwasyon na 'yon? Ginamit mo ako dahil naapakan ang pride mo?" litanya ko.
Umiiyak siya at hindi magawang makasagot. Maaaring tama ang sinabi ko. Gusto kong magwala pero hindi ko magawa. Tumayo ako para iligpit ang mga gamit ko, binuksan ko ang maleta at ipinasok ang mga iyon
