Hindi niya talaga alam kung anong nangyari pero nang tawagin niya ulit si Jowee ay lumingon ito. Nakita pa niya ang panlalaki ng mga mata nito habang natingin sa kaniyang tumatakbo palapit dito. Ngumiti siya pero laking gulat niya nang tumakbo si Jowee palayo.
Nahinto siya saglit sa paghabol. Nagulat siya sa inasta ni Jowee. May nagawa ba siyang mali?
Kahit naguguluhan ay tinakbo niya ang distansya nilang dalawa. Mas binilisan at pinalaki niya ang bawat hakbang. Nahuli niya ang braso nito. Mabilis niyang pinaikot si Jowee paharap sa kaniya.
At sa gulat, nabitawan nito ang yakap-yakap na mga libro. Gulat na napatingala si Jowee sa kaniya. Nagtama ang tingin nilang dalawa at nagtagis ang bagang niya sa ginawa nito kanina.
Ilang segundo silang nagkatitigan sa gitna ng hallway, at si Jo
