Hindi. Hindi niya hihiwalayan si Jowee. Paulit-ulit niyang inisip ang eksena kagabi pero hindi siya pwedeng magpadaig sa takot na naramdaman mula sa pamilya ng kasintahan. Nagmamahal sila ni Jowee. Mahal na mahal nila ang isa't isa kaya hindi siya papayag na dahil lang sa paniniwala ay maghihiwalay sila ni Jowee. Ipaglalaban niya ang nararamdaman niya sa babae. Oo. Ipaglalaban niya!
"Bai, 'yong number mo nga," sabi ni Yalke.
Bumuntong-hinga si Estong at nilabas ang cellphone mula sa bulsa. Nandito siya ngayon sa paaralan at gustong kunin ni Yalke ang number niya dahil unang beses na nagkaroon daw siya ng cellphone.
E, hindi naman siya marunong gumamit no'n kaya balewala rin. Hinayaan na lang niya si Yalke na tingnan at usisain ang bagong bili niyang keypad na cellphone.
Hindi man tu
