Chapter 20
"MISS BEAUTIFUL, kain na tayo. Bumili nalang ako ng pagkain sa labas, para hindi ka na magluto."
"Si Ma'am Anlene?" Tanong ko. Hindi ko pinansin ang sinabi niya.
Inilapag niya sa mesa ang pagkaing binili niya sa drive thru siguro sa labas. Inayos niya iyon at kumuha ng plato para ilagay roon.
"Nahatid ko na siya sa condo ni Papa."
Mababanaag sa boses niya ang walang gana sa pag-sagot sa tanong ko. Huminga ako ng malalim saka tinulungan narin siyang ilagay ang friend chicken, fried rice, at beef steak sa plato.
"Hindi ko sinasadyang marinig ang pag-uusap niyo kanina ni Ma'am Anlene," pagsisimula ko.
Tumanho siya saka nagpatuloy na sa pag-lalagay ng pagkain sa pinggan naming dalawa. Mukhang wala nga siya sa mood. Parang ayaw niyang pag-usapan ang isang bagay na hindi ni
