Chapter 12
HALOS MALULA ako sa mga iba’t ibang ilaw na pumapalibot sa loob ng hotel na pinuntahan namin ni Nido. Maraming eleganteng mga tao ang nakakasalubong namin. Halos lahat sila mga with high class.
Napatingin ako sa aking suot na pulang damit ngayon, kung wala siguro ito. Hindi ako makakapasok sa hotel na ito at kung wala si Nido.
Malakas ang patugtug at ang mga ilaw na patay sindi sa paligid ay nakakairita na sa aking mga mata. Hindi ko alam kung magtatagal ako rito. Party ba ‘tong pinuntahan namin ni Nido? Sabi niya date?
“Anong ginagawa natin rito, Nido? A-akala ko ba date ang pupuntahan natin? Hindi mo sinabi na isa palang party?”
Bigla niya akong hinigit saka hinawakan ako sa aking bewang ng mahigpit. Inilapit niya ang kaniyang bibig sa aking tainga saka siya bumulong.
