Nagtataka man ay tahimik lang na sumunod ang dalawa. Habang hawak ng lalake sa isang kamay si Sam at nasa likuran nila si Jonas, inakyat nila ang rooftop ng hotel. Ngunit wala pa man ay ramdam na nila ang malakas na hangin at rinig ang kakaibang tunog sa itaas ng building.
Tumingala sila, pagtapak palang doon ay nakita nila ang isang pulang chopper na nakadapo sa helipad ng building, lalo silang nagtaka.
Anong ginagawa ng chopper doon? Sasakay ba sila doon?
Tama ang hinala ng dalawa. Una nang inilagay ni Kody ang duffle bag na bitbit sa loob noon at inalalayan si Sam paakyat at papasok doon, sumunod na inalalayan nito si Jonas. Nang makaakyat na rin ito at makapasok sa loob ay inasikaso niya muna ang seatbelt ng dalawa. Nang ma-buckle pa ang sariling seatbelt ay kinawayan na nito an
