Lanie's Pov:
"Sasabay ka ba sa amin mag-breakfast?"
Napalingon ako kay Jasleene. Umaga ngayon at ikatlong araw na ng Festival. Ngayon lang din kami nagkita-kitang apat dito sa dorm. Sa loob kasi ng dalawang araw ay abala kaming lahat sa mga booth ng department namin kaya hindi kami magkatagpo-tagpo.
"Pasensya na, may kailangan lang akong asikasuhin sa department namin." Pagdadahilan ko.
Ang totoo ay kating-kati na ang mga paa kong kumpirmahin ang hinala ko sa hidden passage. Iyon nga lang, mula noong magkausap kami ni Page ay nakulong na ako sa booth namin. Hindi n'ya din ako tinantanan, hindi man s'ya nagsasalita pero nanatili s'yang malapit sa akin at binabantayan ako.
Sa loob din ng dalawang araw na iyon ay hindi pwedeng magpakalat-kalat ang mga estudyante sa buong Academy. Nasa ru
