Lanie's Pov:
Pinaharurot ni Yshmael ang motorbike hanggang sa tuluyang makalabas kami ng Hemisphere Village.
Tuloy-tuloy ang naging pagtakbo namin pero bahagya na iyong bumagal hindi katulad kanina.
Alam kong lampas na ng tanghali nang makarating kami kanina sa mansyon ng mga Aronzaga pero hindi ko akalaing mahabang oras ang ilalagi namin doon.
Hindi ko kasi ramdam ang takbo ng oras kaya medyo nagtaka pa ako nang makitang malapit ng lumubog ang araw sa silangan.
Nakadagdag din ang tila hindi magandang panahon na nagpadilim sa mga ulap at nagpalamig sa panghapong hangin.
Hindi ganoon kabilis ang takbo ni Yshmael pero ramdam ko ang malamig na dampi ng hangin sa akin. Ganoon din ang kakaibang kilabot sa may batok ko na para bang may nagmamasid sa amin.
Eksaktong narating namin ang til
