"Alam naming ginamitan mo kami ng mahika nung gabing 'yon para iwasan ang tanong namin. Sandali lang kami nakalimot. Pagkaalis mo ay bigla na lang pumasok sa memorya namin ang nangyari. Hindi namin sinabi sayo dahil hinintay naming masilayan na gumamit ka ng kapangyarihan. Na nakakagamit ka ng mahika ng malaya at hindi itim na mahika." simula ni Karren.
Nandito kami lahat sa bahay ni Don.John, ang lalakeng kumausap kay Russell kahapon. Pagkatapos tumakbo ng mga lalake kanina ay dumating si Don. John kasama ang ilang mga lider dito sa lungsod na 'to. Inalok niya kaming pumunta sa tahanan nila para magpasalamat sa amin. Tinanggihan namin siya pero pinilit niya kami kaya nandito kami ngayon.
Pagkatapos ding umalis ng mga lalake kanina ay nagsidatingan ang ilang mga knights na galing sa ka
