Pababa na si Patricia ng hagdan mula sa kaniyang silid sa itaas nang maulinigan niyang may kausap sa telepono si Manay Luz. Dahan-dahan ang ginawa niyang paghakbang upang hindi makagawa ng kahit anong ingay at huwag ma-istorbo ang matanda..
"Maayos naman po. Opo, umiinom po ng gatas. Opo, iniinom naman po niya ang mga gamot niya... Pero hindi po ako marunong magluto niyan, Sir. Sige po. Sige po..."
Hindi maipaliwanag ni Patricia kung bakit parang may humaplos na mainit na palad sa kaniyang puso nang marinig si Manay Luz na may kausap sa telepono. Alam niyang si Kahl-el iyon. Makailang ulit na niyang naaabutan ang matanda na kausap ang lalaki sa telopono. Mukhang parating nagtatanong si Kahl-el tungkol sa kaniya. Kinakumusta ang lagay nilang mag-ina.
Minsan na ring nabanggit sa kaniya ni
