Sa hapagkainan, magkaharap ang pwesto ng inuupuan nila Warren at Yale. Nakahain sa mesa ang mga pagkaing almusal na niluto ni Yale at kanila ngayong pinagsasaluhang dalawa.
Panaka-nakang tinitingnan ni Yale si Warren saka ngingiti ng bahagya. Napatingin naman sa kanya si Warren at nahuli ang pagngiti ni Yale sa kanya na ikinataka naman niya.
“Bakit?” nagtatakang tanong ni Warren.
Mas lalong napangiti si Yale. Huminto sa pagkain at matamang tiningnan si Warren.
“Wala lang. Natutuwa lang ako dahil sa wakas ay nakita ko na ang babaeng nakapagpapatibok ng puso ng kaibigan ko,” nangingiting sagot ni Yale.
“Eh bakit ang saya-saya mo? Nakita mo lang naman siya kagabi,” ani ni Warren.
“Siyempre! Idol kaya kita,” bulalas ni Yale saka mahinang tumawa. “Biruin mo, nadala mo na siya dito sa baha
