Nasa loob ng kanyang opisina si Rodrigo. Naglalaro siya ng golf bilang pampalipas oras at pahinga niya. Naka-posisyon siya, hawak niya golf club kung saan dahan-dahan niya iyong ginagalaw at inaasinta ang golf ball para ma-shoot ito sa butas ng nakalatag na grass mat.
Maya-maya ay naramdaman ni Rodrigo na nag-vibrate ang phone niya sa bulsa ng suot niyang slacks na nagpatigil sa kanya sa paglalaro. Bahagyang kumunot ang noo niya saka kinuha ang phone niya at tiningnan ang screen nito.
Nakita ni Rodrigo ang pangalan nang tumatawag sa kanya sa screen. Umayos siya sa pagtayo saka sinagot ang tawag sa kanya. Nananatiling hawak ng kaliwa niyang kamay ang golf club.
“Hello,” maikling pagbati ni Rodrigo sa kabilang linya.
Pinakinggan ni Rodrigo ang sinabi sa kanya ng kausap sa kabilang linya.
