Nakatayo sa harapan ng malaking bintana ng kanyang opisina dito sa loob ng mansyon si Rodrigo. Nakatingin ang mga mata sa labas at nakatapat sa tenga niya ang cellphone na hawak ng kanyang kanang kamay.
“Anong balita?” pagtatanong ni Rodrigo sa kausap niya sa telepono.
“Sa ngayon Boss ay wala pa siyang ginagawang hakbang para makalapit at makausap ang anak niyo,” wika ng kausap ni Rodrigo sa kabilang linya.
“Ganun ba? Bakit? Ano bang pinagkakaabalahan niya?” tanong pa ni Rodrigo.
“May sarili siyang negosyo Boss. Isang hardware store na solo niyang pagmamay-ari,” sagot kay Rodrigo ng kausap.
Tumango-tango si Rodrigo. Napangisi din siya. “Medyo umahon din pala sa kahirapan ang g*gong iyon,” nakakalokong wika niya.
Wala namang naging imik ang nasa kabilang linya.
“Sige at patuloy mo la
