CHAPTER 33
JEANNA
NAPAKO ako sa kinatatayuan at tila nabingi na sa mga narinig ko. Ang tanga ko pala! Wagas akong mag-overthink sa mga kilos ni Jerico na akala ko ay may espesyal na kahulugan, eh, 'yon naman pala ay bunga lang ng paghihiganti niya tungkol sa mga bagay na hindi ko naman alam. Gusto niya ako dati pa? Kung hindi ko lang narinig ang usapan nila ni Tyler ay baka nagpagulong-gulong na ako sa sobrang kilig.
Iyon ba ang ibig sabihin ng pagbigay niya sa akin ng chocolates noong graduation namin?
Kaya pala kahit wala akong balita noon tungkol sa kaniya ay hindi ko maipaliwanag ang kahibangan ko sa kaniya. Ito pala ang sagot sa hindi ko maipaliwanag na feelings para sa kaniya after graduation.
Siguro ay ito na rin ang paraan ng universe para sampalin ako upang magising ako s
