KAUNTING oras lang na nakasama ni Hymae si Lorrence dahil naka-duty ito. Hindi na rin niya nabanggit ang nangyari sa kanila ni Zandra. Saglit din na nakipag-usap ito kay Misis Lorraine bago ito nagpaalam sa kaniya na babalik na sa trabaho.
Makaraan ang ilang saglit ay nagpaalam na rin siya kay Misis Lorraine pero hindi niya sinundan si Lorrence. Naisipan niyang mamasyal muna sa private park na malapit sa mga executive cabin kung saan may mga personalized mini-pool sa labas ng kuwarto. Gusto niyang maranasan ang pagala-gala lang tulad ng ibang mga guest na kung saan-saan nakararating.
Nag-e-enjoy siya sa paglilibot niya sa barko. Namangha siya sa iba't ibang room type na mayroon ang cruise. At ang pinakamahal na room ang kasalukuyan niyang pinagmamasdan.
Kung hindi mga bilyonaryo ang u
