Masayang nagkasayahan ang lahat ng bisita sa Hacienda Luna sa pag-iisang dibdib nilang muli ni Dash. Imbitado ang lahat ng malapit na kaibigan at tauhan sa hacienda. Simula nang magkaayos sila ni Dash ay inayos nito ang security sa palibot ng hacienda dahil hindi pa nahahanap ang dalawa pang suspect na kasabwat ni Madel. Kahit paano ay kinatakutan rin nila na magkaroon ang mga ito ng pagkakataon na maghiganti dahil sa pagkakakulong ni Madel.
"Inggit na inggit ang mga kalalakihan kanina habang kasayaw kita," natatawang wika ni Dash habang nasa silid na sila at nagbibihis. Alas onse na natapos ang party na nagsimula ng alas sais ng gabi.
"Baka ang mga kadalagahan ang naiinggit dahil isang gwapo at macho ang kasayaw ko."
"Iilan lang sila. Habang ikaw ay halos kalahati ng bisita n
