“Teka sinasabi mo ba na magnanakaw tayo ng mga armas na ginawa ng mga dark elves habang naroroon tayo? At paano natin iyon magagawa nang hindi nila napapansin?” Humalakhak si Freyja, tila nang-aasar. “Isa pa, saan ba ang Nidavellir dito?”
“Jormungandr can do something about stealing things from them. Malayo-layo rito ang lagusan papunta roon. Unless you have a better idea, Freyja, iyon ang susundin natin.”
Kaya nang matapos kaming kumain ay muling inilatag ni Master Loki ang mapa ng Midgard. May mga sulat na iyon na sa tingin ko ay ginawa niya kagabi.
“Nasa may Sviarland ang lagusan papunta sa Nidavellir. Pupunta tayo roon pagkatapos nating mag-usap dito.”
Ngumuso si Freyja nang marinig iyon. Napansin iyon ni Master Loki kaya agad siyang nagsalita.
“Oo, Freyja, maglalakbay ulit tayo.
