“Ano naman kung naandito siya ngayon? Konektado ba sa kanya ang pagkawala ng kuryente?” tanong ko.
Parang isang kamangha-manghang bagay ang natuklasan ko. Naandito ang isang anak ngayon ni Fenrir sa Midgard!
“Oo, Hati will suck lights, kahit saan siya naroroon. Kaya’t hindi mo sila basta-basta mamataan sa Asgard,” pagpapaliwanag ni Fenrir sa amin.
Tumayo si Fenrir at akmang aalis nang pigilan siya ni Master Loki.
“Saan ka pupunta, Fenrir?” tanong ni Master Loki sa anak.
“Hahanapin ko si Hati. Hindi siya maaaring magtagal dito. Baka mawalan ng balanse ang Midgard. Walang nagbabantay sa buwan.” Muling tinangka ni Fenrir na umalis at kumawala kay Master Loki ngunit hindi siya nito binitawan.
“Hindi natin sigurado kung kakampi ba sila o hindi. Baka ipinadala sila ni Odin nang mga oras
