Sa Nalalapit na Bukangliwayway (Unang Bahagi)
Mula sa nag-umpukang pangkat na pinamumunuan ni Mayor Sugay sa damuhan malapit sa malaking bakal na tarangkahan ng hasyenda, dalawampu hanggang tatlumpung hakbang ang layo ni Arvin na kasalukuyang nakakubli sa likod ng kahoy na bakod ng isang gawa-gawa at walang-bubungang dirty kitchen sa gilid ng malaking bahay.
May nagbukas ng mga ilaw sa damuhan at nanaig na ang liwanag nito laban sa paglagablab ng apoy na siyang tumupok sa buto't balat ng mga bangkay ng mga kaawaawang kasambahay sa Hacienda Sugay. Nanaig na rin ang mga nakasisilaw na ilaw laban sa mismong liwanag ng bilog na buwan.
Sa estima ni Arvin, dalawa o tatlong oras na lamang ang lilipas at magbubukangliwayway na.
Bagaman nararamdaman na niya ang sariling pagkontrol sa pagpapagas
