Ang Muling Pagkikita (?)
Tulad ng nabanggit na sa ilang naunang yugto ng kuwentong ito, pangalawa lamang sa yumaong ina na si Miling, masasabi nating si Lea ang naging tungkong bato ni Arvin sa kaniyang pagkatao.
May pagka-kontrapelo man ang pag-uugali ng dalawa, may namamagitan sa mag-asawa na mga bagay na tila lalong nagpapatibay sa kanilang pagsasama. Bagaman hindi pa sila pinalad na magkaanak, may mga bagay na maaaring sa unang tingin ay mga dahilan upang tuluyan nang magkahiwalay ang dalawa. Subalit hindi. Mas lalo silang nagkakaroon ng tibay ng puso upang magkapiling na suungin ang isang pakikipagsapalaran na kung tawagin ng karamihan ay ang pakikipagsapalaran ng buhay-mag-asawa.
Katulad na lamang ng pagiging binatang-asal pa rin ni Arvin kahit may responsibilidad na siya sa bu
