Sa Pagitan ng Bangungot at ng Karimlan
Tahimik sa loob ng hasyenda ng alkalde ng Tagamingwit. Ilang oras na rin kasi ang nakalipas nang magsialisan sa kaniya-kaniyang SUV sina Mayor Sugay at ang mga bataan niya. Ang naiwan na lamang sa loob ng malawak na bakuran ng malapalasyong bahay ng alkalde ay ang ilang hardinero na dinidiligan ang halamanan at winawalisan ang damuhan. May ilang kusinera ring labas-masok sa kusina na nasa gawing likuran ng bahay. Walang kamalay-malay ang mga naiwang kasambahay ni Mayor Sugay na ilang oras na rin palang mag-isang nakahandusay sa lupang sahig ng isang tagong kubol sa liblib na bahagi ng hasyenda si Jessie.
Tila nasa bingit ng isang bangungot at ng isang abismong karimlan ang kinikilalang pinuno ng mga puristang aswang ng Calamianan. Halos hindi mauli
