Katulad ng ibang lalawigan sa Pilipinas sa tuwing sumasapit ang kapistahan ng kanilang santo o santang patron, idineklara ng lokal na pamahalaan ng Tagamingwit na opisyal na walang pasok ang kinabukasang araw pagkatapos ng kanilang piyesta. Isa na rin itong paraan, ikanga, upang makabuwelo ang mga namiyesta mula sa isang araw ng pagdiriwang, paglalasing, paglalamyerda; pagsama sa misa, sa parada, sa kainan, sa ilang pagtatanghal na pambata, pangmatanda; pagbabahay-bahay; pagpunta sa baylian, sa kantahan, sa mga patimpalak, sa perya; at marami pang mahahalagang bagay na kailangan idaos para makaraos ang piyesta ng isang bayan.
Pinili ni Ramon na doon na sa Ugong Bato zipline station magpalipas ng ilang oras bago pa magbukangliwayway. Kahit pa tila lutang ang kaniyang pag-iisip dahil sa mat
