Wala pang isang taon na kasal si Lea kay Arvin. Hindi aakalain ng babae na sa tanang buhay niya’y magkakaroon siya ng 2-in-1 pagdating sa napangasawa niya: isang esposo at isang batang-isip na daig pa ang isang alibughang anak kung makapagdesisyon sa buhay.
Nang matanggap niya ang tawag ng pinsan ni Arvin na si Ramon, gamit ang cellphone ng kaniyang asawa, nakauwi na siya galing sa shift niya sa call center. Nag-take out na lamang siya ng chicken with rice sa Jollibee ng SM Manila na nasa ibabang palapag ng pinagtratrabuhan niyang call center. Ekstakto 4:15 ng umaga tumawag si Ramon gamit ang cellphone ni Arvin. Nagtext kasi si Lea simula pa noong isang linggo na kung tatawag si Arvin sa kaniya’y dapat sa ganoong oras para nakalabas na siya’t nakauwi. Sa pagiging Customer Service Represe
