#Duplikado
KWARENTA’Y SIYETE
Birthday ko ngayon... at ako lamang ang nakakaalam nito.
Birthday din ni Alexander... at maraming nakakaalam nito, ewan ko kung pati si Dylan ay alam ito dahil hindi naman niya ako binati kanina.
Oo, sabay kami ng kaarawan ng taong dala ko ang mukha.
Napabuntong-hininga ako. Nakaupo lang ako dito sa gilid ng kama. Nakabihis na ako at handa ng pumasok pero sa totoo lang, parang wala akong gana.
Si Dylan, ayun at nauna nang pumasok dahil may dapat pa daw siyang gawin. Hinayaan ko na lamang.
Naramdaman ko na lamang na tumunog ang phone ko. Kinuha ko iyon sa bulsa at nakita kong tumatawag si Jerold. Napabuntong-hininga muli ako bago sumagot.
“Hello.” Sabi ko.
“Happy Birthday.” Sabi ni Jerold. Ewan ko pero bigla akong natuwa
