Alas sais na ay nasa opisina pa si Marcus. Nakaangat ang mga paa niya sa mesa at nakasandal ang likod sa swivel chair. Kanina pa umalis si Caroline na hindi na pumayag na sumama sa kanya sa bahay para maghapunan. Siya naman ay kinakatakutan ang pakikipaglapit kay Stacey.
Ipinasya niya na ring umuwi makalipas ang ilang sandali. Imposibleng iwasan niya ang ina ng anak habang naroon ito sa bahay niya dahil maisasakripisyo niya rin ang oras para kay Athena. Mabigat ang loob na kinuha niya ang susi ng kotse sa drawer saka patamad na lumabas ng opisina.
Katatapos lang kumain ng Tatay niya ng hapunan nang dumating siya. Kailangan nitong uminom ng gamot sa alta presyon kaya maaga itong naghahapunan. Si Nana Rosa ay nasa hapagkainan na pati ang mag-ina niya. Agad namang sumalubong ang anak pagkak
