Inakay ni Marcus si Stacey pabalik sa bar nang makitang iniwan ito ni Leandro sa parking lot ng club. Gusto niyang yakapin ang dalaga na walang tigil sa pag-iyak kanina at ngayo'y pinapahid ng likod ng palad ang pisngi nito. Sa gilid sila ng bar tumayo kung saan may mataas na table na lagayan lang ng drinks kung gusto mong mapag-isa. Kanina pa siya naroon matapos na ma-out of place kay Caroline at Joey na kanina pa naghaharutan sa harap niya. Katulad niya'y marami na ring nainom ang mga ito.
Muli niyang tinitigan ang mukha ni Stacey na naaabot lang ng liwanag kapag natatamaan nang umiikot na ilaw sa ceiling ng bar. Hindi niya inaasahang makikita ito doon kasama si Leandro na tila pa nag-aaway ang dalawa. Nanibugho ang puso niya kaninang yakap ito ng kasintahan nito pero hindi niya
