Siyam na bwan na ang tyan ni Stacey nang sumama siya kay Marcus sa San Fabian. Kailangan nitong umuwi dahil may sakit sa alta presyon ang ama nito na si Manong Tonyo, at kinailangang dalhin ni Marcus sa doktor para sa checkup nito.
Nasa bintana siya ng malaking bahay ng mga Silvana kung saan matatanaw ang malawak na lupain ng pamilya ni Marcus. Ang abot na tanaw lang ng kanyang mata ay ang mga alagang manok na aabot marahil sa isanlibo na. Magaling si Marcus sa pangangalaga ng pananim at mga hayop sa bukid. May mga kambing din itong alaga, ilang baka sa bukid, at naikukuwento nitong may balak itong magtayo ng dealership ng poultry supplies kasosyo ang isang kaibigan.
Kung tutuusin ay maayos ang buhay niya kasama ang binata na malapit nang maging ama ng kanyang anak. Hindi man pumantay an
