"A penny for your thoughts?"
Agad siyang napalingon sa may-ari ng tinig at bahagyang ngumiti. Hindi niya namalayang nakalapit na si Caroline dahil sa malalim na pag-iisip. Nasa poultry siya at katatapos lang mag-inspeksyon. Kaninang madaling araw siya dumating mula sa Baguio pero buong maghapon ring nasa isip si Stacey.
"Wala ka ng ilang araw," wika ni Caroline.
"She's pregnant," pag-amin niya imbes na sagutin kung nasaan siya ng ilang araw.
"Who?" mabilis naman nitong tanong na walang ideya kung sino ang tinutukoy niya. Bagama't nabanggit niya ng pahapyaw ang nangyaring pagkalimot niya kasama si Stacey noong nagpunta sila sa Maynila. Wala siyang maidahilan nang tanungin siya nito kung bakit siya wala sa sarili habang pauwi sila sa San Fabian.
"Stacey."
"Are you serious?"
"Mukha ba
