Ginabi din silang nakauwi dahil matapos nilang mag-grocery ay ipinasyal pa siya ni Marcus sa magagandang park sa Baguio. Nang makarating sa bahay ay saka niya naramdaman ang pagod.
"Are you okay?" nag-aalalang tanong ng binata habang inaayos nito ang pinamili sa komedor. Kumuha siya ng tubig sa ref at umupo sa dining area habang pinapanood ito sa ginagawa. Sa maghapon nilang magkasama ay sinisikap nitong paluguran siya.
"Masuwerte ang mapapangasawa mo," biro niya kay Marcus na sandaling tumigil sa ginagawa.
"Maswerte ka naman talaga sa 'kin. Di ko nga alam kung ano ang nagustuhan mo sa Leandro na 'yun." Itinuloy nito ang ginagawa habang siya'y natatawa.
"Gwapo si Leandro at magaling mag basketball," katwiran niya.
"Mas magaling ako dun, shoot agad nabuntis pa nga kita. Siya ba naka-fi
