MATAPOS labanan ni Jiron ang grupo ng mga bampira ay isinama niya ang dalawang babae sa Gregory Inn. Sa tingin niya ay ligtas na ang lugar na iyon para sa dalawa. Pagdating sa information desk ay dumampot na siya ng tatlong susi ng magkakatabing mga kuwarto.
Ibinigay niya ang isa sa ginang. Inilapag muna niya sa mahabang sofa ng lobby ang buhat niyang babae. Namasdan ng ginang ang unti-unting pagbabalik ng anyong-tao niya. Napatunganga ito sa kaniya.
"Huwag kang matakot sa akin. Hindi kita sasaktan. Gamitin mo ang susi na iyan at pumasok ka na sa silid upang makapagpahinga ka. Huwag mong alalahanin ang kasama mo, hindi ko rin siya sasaktan. Ihahatid ko lang siya sa silid niya," mahinahon niyang wika sa ginang.
Alanganing tumango ito ngunit tumalima naman. Panay ang lingon nito sa pinto
