BUMUNGAD kay Jiron is Janey matapos buksan ang pinto. Sinenyas nito ang telepono sa ibaba. Naintindihan naman niya. Dali-dali siyang kumilos at tinungo iyon sa ibaba. Mabuti na lamang at may nadampot siyang roba bago lumapit sa pinto, iyon ang isinuot niya.
"Jiron, si Walter ito. Nakita ko kasi ang babaeng kasama mo riyan. Nasundan ko kayo sa pamamagitan ng CCTV na nilagay ko riyan sa lobby. Siya ang napili ni Draco na maging asawa. Makatutulong siya sa atin upang talunin si Draco," saad ni Walter sa kabilang linya.
"Siya si Liliana. Kailan ba tayo susugod?"
"Bukas ng hatinggabi. Oras ng gising ni Draco. Malamang hihintayin niyon ang mapapangasawa niya. Isasama natin si Liliana. Hindi sasaktan ng mga bampira si Liliana dahil siya ang kailangan ni Draco."
"Okay. Nakahanda ako ano mang
