"AAAAHH! Tama na! Masakit! Masakit! Bitawan mo na!" pagsisigaw ni Jiron.
"Jiron! Jiron!"
Naalimpungatan siya at bumaliwas nang maramdaman ang sunod-sunod na sampal sa pisngi niya. Hawak-hawak niya ang nasa pagitan ng hita niya. Si Tonyo ang sumampal sa kaniya upang magising siya.
Tarantang tinanggal niya ang botones ng pantalon niya at kinapa ang alaga niya roon. Nakahinga siya nang maluwag nang malamang buo pa ang alaga niya.
Tawang-tawa naman sina Tasyo at Pancho sa nakita ng mga ito na ginawa niya. Pati ang seryosong si Tonyo ay natawa nang mahina.
Isinara niya ang pantalon at umupo nang maayos. Napagtantong nasa damuhan pa siya kung saan siya tumila matapos gumulong-gulong.
"Ano ba ang nangyari sa iyo, Jiron?" tanong ni Tonyo sa kaniya.
"Akala ko totoo na. Nabungungot lang p
