Dalawang araw pa siyang namalagi sa ospital para maiantala ang pag-uwi niya sa Hacienda Esquivel. Hindi niya gusto ang sitwasyong susuungin niya. Ngayong natapos na ang problema niyang pinansyal, ngayon pa lang din talaga niya napagtanto na isang malaking kapahamakan ang pagsugod niya sa hacienda. Ngayon ay kailangan niyang sumunod sa lahat ng utos ni Charles dahil utang na loob niya rito ang buhay ng Mama niya.
Sa bus na siya sumakay pauwi ng La Union. Si Arman na rin ang naghatid sa kanya sa istasyon ng bus. Isang maliit na maleta lang ang dala niya dahil wala naman talaga siyang gaanong gamit bukod sa nauna niyang dala. Pagbaba niya sa istasyon ng bus ay naghanap naman siya ng trisekel na maghahatid sa kanya sa Hacienda Esquivel. Inabot lang ng pitong oras ang biyahe niya kanina bukod
